मरकुस 1:5 - बारेली पावरी

⁵ आखा यहुदिया देसोन, एने यरुशलेमोन आखा रोयने वावा निकवीन तेरेनचा गोया, एने तिंदरा पापो काजे मानीन यरदन नोंदीमा तेरे जुव बाप्तिस्मा लेदा.

मरकुस 1:5 ပူးပေါင်းရင်းမြစ်များ

मत्ती 4:25

गलील एने दिकापुलीस, यरुशलेम, यहुदिया एने यरदन नोंदीन पोरले धोळे गोरदी पोछोव आव लागी.”

मरकुस 1:4

एने योहान आयु, चू बोयळामा बाप्तिस्मा आपे, एने पापोन माफीन कोरता मोन फिरावनेन बाप्तिस्मान प्रचार कोरतू होतु.

मरकुस 1:6

योहान उटळान चामळान छिंदरा पेहेरलु एने खुदोन कोड्यामा चामळान पोटटू बांदलू राखतू होतु, एने टीड्या एने बोयळा मायला माहावे खातू होतु.

योहान 1:28

जे वाते यरदन नोंदीन पार बैतनिय्याह गावमा होयी, जा योहान बाप्तिस्मा आपतू होतु.

योहान 3:23

योहान बी शालेमोन साते ऐनोन गावमा बाप्तिस्मा आपतू होतु काहाकि चा घोन सोवटो पाणी होतो, एने माणसे आवीन बाप्तिस्मा लेता होता.

योहान 5:35

होयु धोपतलू एने चोमोकने वावू दिवू होतु, एने तुमुक काहीन टेमे तोक तेरा विजावामा मगन होय जानो वारू लाग्यो.

प्रेषित 19:18

जे भुरसू कोरला होता तिंदरेमा गोथा जादात जोना आवीन आपना-आपना कामो काजे मान लेदा एने देखाळ्या.

प्रेषित 2:38

पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”

याकुब 5:16

तेरेन कोरता तुमु आपनेमा एक दिसरान ओगोव आपना-आपना पापो काजे मान लेवू, एने एक दिसरा कोरता प्रार्थना कोरु, कि वारू होय जासे धरमी जनोन प्रार्थनासी सब काय होय सकतलो छे.