मत्ती 5:3 - बारेली पावरी

³ “सोयावा छे जे आत्मान दिन छे, काहाकि सोरगोन राज तिंदरो छे.”

मत्ती 5:3 ပူးပေါင်းရင်းမြစ်များ

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

मत्ती 11:6

एने सोयावा छे चे, जे मारे वोजेसी ठूकर नि खाय.”

मत्ती 13:16

बाकीन सोयावा छे तुमरा डूवा, कि चे देखतला छे; एने तुमरा कानटा कि चे सोमवतला छे.

मत्ती 19:14

येसु कोयू, “पुऱ्या काजे मारेंचा आवने देवू, एने तीनु काजे मोना मा कोरु, काहाकि सोरगोन राज ओसला जून छे”.

मत्ती 24:46

सोयावा छे चे दास, जीनाक तेरु मालिक आवीन ओसुत कोरतेलू देखे.

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मत्ती 3:2

“मोन फिरावू, काहाकि सोरगोन राज साते आव लागलो छे.”

मत्ती 8:11

एने मे तुमु काजे कोयो कि पूरब एने पच्छिम भूनी गोथा माणसे आवीन अब्राहाम एने इसाहाक एने याकुबोन साते सोरगोन राजमा बोठसु,

मरकुस 10:14

येसु यो देख्यू रीसवायीन तीनु काजे कोयू, “पुऱ्या काजे मारेंचा आवने देयू एने तीनु काजे मोना मा कोरू, काहाकि परमेश्वरोन राज ओसला जून छे.

लुका 11:28

चू कोयू, “होव; बाकीन सोयावा चे छे जे परमेश्वरोन वचन सोमवतला एने मानतला.”

लुका 18:14

मे तुमु काजे कोयो कि, ‘चू दिसरू नि, बाकीन यु माणूस धोरमी ठेरावलू जायीन आपने घोर गोयू; काहाकि जू कुदू आपनु काजे मोटु बोनावसे, चू नानू कोवाय जासे; एने जू आपना खुदो काजे नानू बोनावसे, चू मोटू कोराय जासे.’”

लुका 22:29

एने जोसो मारो बास मारेन कोरता एक राज ठेरावालु छे, तोसोच मे बी तारेन कोरता ठेरावीस,

लुका 22:30

काहाकि तुमु मारा राज्यमा मारे साते बोसीन मारा मेज पर खावू-पिवू, बाकीन सिहासन पोर बोसीन इस्राईलोन बारा पिढीन नियाव कोरो.

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

योहान 20:29

येसु तीना काजे कोयू, “तू मेसेक देखलू छे, काय इनान कोरता भुरसू मेकलु छे? सोयावा छे चे जे बिना देखे भुरसू कोऱ्या.”

याकुब 1:10

एने मातभोर आपना नेचली दशा पोर; काहाकि चू खोडान फुलोन तोसो जातु रोयसे.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

प्रकाशित वाक्य 19:9

तेत्यार सोरग दूत मेसे काजे कोयू, “यो लिख, कि सोयावा चे छे, जो गाडरान वियावोन खाणो खाणे बुलावला गोयला छे” पोछु चू मेसे काजे कोयू, “यो वचन परमेश्वरोन खोरलो वचन छे.”

प्रकाशित वाक्य 22:14

“सोयावा चे छे, जे आपना छिंदरा धुवलेतला छे, काहाकि तीनुक जीवनोन झाडोनचा आवनेन होक जोळसे, एने फाटकोण गोथा आवीन गावमा भोरायसे.”

प्रकाशित वाक्य 3:17

तू कोये कि मे मालदार छे एने धोनवान होय गोयलु छे, मेसेक कानला चीजोन कोमी नी होय; एने यो नी जानतू कि तू अभागा एने वीटवलु गोरीब एने आंदवू एने उगाळलु छे.