मत्ती 17:9 - बारेली पावरी

⁹ जेतार चे बोयळा पोर गोथा उतरतात होता तेत्यार येसु तीनुक जी आग्या आप्यू जेतार तोक माणसोन पुऱ्यु मोरलाम गोथू जीव नि उठे तेतार तोक जो काय तुमु देखला छे कुदा काजे झुन कोयता.

मत्ती 17:9 ပူးပေါင်းရင်းမြစ်များ

मत्ती 12:16

एने तीनु काजे जोताळ्यु कि मेसेक सामने मा लावू,

मत्ती 17:12

बाकीन मे तुमु काजे कोयो कि “एलिया आवलु होतु, एने माणसे तीनाक नि उवख्या; बाकीन जोसो जुवे तोसोत तेरे साते कोऱ्या इना रितीसी माणसोन पुऱ्यु बी तिंदरे पुठी दुख उठावसे.”

मत्ती 17:20

चे तीनाक कोया, “आपना भुरसान कोमीन वोजेसी, काहाकि मे तुमु काजे छाचलीन कोयो, मे हिमी तुमरू भुरसू राईन दाना बोराबोर बी होय, ती इना बोयळा काजे कोय सोकसू, या गोथू सोरकिन वा जातरो, ती चू जात रोयसे; एने कानलीत वात तुमरेन कोरता होयो नि ओसी नि होय.

मत्ती 17:22

जेतार चे गलीलमा होता, ती येसु तीनु काजे कोयू, “माणसोन पुऱ्यु माणसोन हाते धोरवाय जासे.”

मत्ती 17:23

चे तिनाक मार नाखसे, एने चू तिसरे दाहळे जीव उठसे “इनापोरसी चे घोणा नाराज होय गोया.”

मत्ती 17:8

तेत्यार चे आपना डूवा उगळ्या एने येसुक छुळीन ओवी कुदा काजे नि देख्या.

मत्ती 8:20

येसु तीनाक जवाब कोयू, “कुल्यान कोरता दोरे एने सोरगोन चिल्लान कोरता पुतरा रोयतला बाकीन माणसोन पुऱ्यान कोरता मुनको टेकनेन बी जागा नि होय.”

मत्ती 8:4

येसु तीना काजे कोयू, “देख कुदाक झुन कोयतू, बाकीन जायीन खुदोक पुजारा काजे देखाळ एने जू चोळावु मुसा ठेरावलु छे तीनाक चोळाव, काहाकि माणसोन कोरता गोवायी होये.”

मरकुस 8:30

तेत्यार चू तीनु काजे जोताळीन कोयू कि मारा बारामा यो कुदा काजे झुन कोयता.

लुका 8:56

तेरा आसी-बासा वाहराय गोया, बाकीन चू तीनु काजे जोताळ्यु कि यो जो होयलो छे कुदा काजे झुन कोयता.

लुका 9:36

यु बुल होयताच येसु एखलुत देखायू; एने चे हुगात रोया, एने जो काय देखला होता तेरी कानलीत वात तीनु दाहळामा कुदा काजे नि कोया.