2 चू तीनु काजे कोयू, “पाकलो खेतोमा घोन सोवटो छे, बाकीन दाहाळक्या थुलाक छे; इनान कोरता खेतोन मालिक काजे विनता कोरु कि चू आपनो धान काटणे दाहाळक्या मुकली देये.”
“सोरगोन राज कहानास घोरोन मालको सारखो छे, जो सोंदारे निकव्यू कि वाळीमा दाहळक्या लागाळे सोके.”
यो तिना माणसो तोसी हालत छे, जु पोरदेश जाणेन टेमे आपनो घोर छुळीन जाय, एने आपना पावोर काजे होक आप देय; एने होर एक जोना काजे तेरो काम देखाळ देये, एने राखवाव काजे जागतू रोयनेन आग्या आपे.
एने येसु तीनु काजे कोयू, “तुमु आखा जोगोमा जायीन आखा कोवीन माणसो काजे वारली खोबरोन प्रचार कोरू.
एने चे निकवीन होर जागे प्रचार कोऱ्या, एने प्रभू तिंदरे साते काम कोरतू रोयू एने तीना चिन्हान लारे यो साते-साते होयतो होतो, वचन काजे मजबूत कोरतू रोयू आमेन.
जेतार येसु बारा जोना काजे बुलावीन तीनुक आखी भुंडली आत्मा पोर एने बिमारी काजे वारू कोरणेन ताकत एने होक आप्यू,
आखरी, माणसे तिना तोकलीतोन वोजेसी जे स्तेफनुसोन बारामा सुरवात होयली होती वेर-वेर होय गोया, चा फिरता-फिरता फीनीके एने साईप्रस एने अन्ताकियामा पुग्या, बाकीन यहुदिक छुळीन दिसरा काजे वचन नि सोमवाळता होता.
जेतार चे उपास एने प्रभून आराधना कोरता होता ती पवित्र आत्मा कोयू, “मारेन कोरता बरनाबास एने शाउल काजे इना कामोन कोरता ओलोग कोरु जिनान कोरता मे हिनु काजे बुलावलो छे.”
आखरी; पवित्र आत्मान लारे मुकलाय गोयला चे सिलूकिया गोया चा गोथा ढोंड्या पोर साईप्रस गोया.
इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.
एने चू मेसे काजे कोयू, “जा मे तुसेक दिसरा जातीन नांबे-नांबे तोक मुकली.”
जे तितर बीतर होयला होता, चे वारली खोबर सोमवाळता फिऱ्या,
एने परमेश्वरोन मंडवीमा मे ओलोग-ओलोग माणसोक नेमलू छे, पेहेले प्रेषितोन दुसरू भविष्य कोरता, तीसरु मास्तर, ओवते मोटला काम कोरणे वावा, एने आरगाई आपने वावो वरदान, एने एहेसान कोरणे वावा एने शास्त्र पावणे वावा एने होर एक भाती-भातीन भाषा बुलने वावा.
बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.
आमु जे परमेश्वरोन सहकारी छे यो बी सोमजतेला छे कि तेरी दया जी तुमरे पोर होयी, तिनी काजे वायबार मा जाणे देवू.
काहाकि आखा आपना स्वार्थ काजे हेरता रोयतला छे, येसु मसिहन नि.
बाकीन मे इपफ्रुदीतुस काजे जू मारू भाश एने साथीदार एने साती लोळायन्यू एने तुमरू दूत एने गोरोजोन वातोमा मारी सेवा कोरणे वावू सेवक छे, तुमरेनचा मुकोलनो गोरोजोन सोमज्यू.
काहाकि चू मसिहन कामोन कोरता तेरा जीवो काजे तोकलीत झेलीन मोरनोन साते आव लागलु होतु काहाकि जी कोमी तुमरेनचा गोथी मारी सेवामा होयली तिनीक पुरो कोरे.
इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.
इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.
काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.
हे भाशो, आमु तुमु काजे विनता कोरजे कि जो तुमरेमा मेहनत कोरतेला छे, एने प्रभूमा तुमरे ओगोव छे, एने तुमुक भोनाळतला छे, तिंदरू आदर कोरु.
आखरीमा, हे भाशो, आमरेन कोरता प्रार्थना कोऱ्या कोरु कि प्रभून वचन ओसो मामार फेले एने महिमा लेये जोसो तुमरेमा होयो.
काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.
पुन तू आखा वातोमा सावधान रोयजी दुख भूगतजी बानमी प्रचारन काम कोरजी एने आपनी सेवा काजे पुरी कोरजी.
पौलुस भूनी गोथू यु मसिह येसुन बंदी छे, एने भाश एने तीमथी भूनी मोंगावू काम कोरन्यू फिलेमोन.
बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.
इफिसोन मंडवीन दूतो काजे यो लिख, जे सात चांदण्या हेरा जेवळ्या हातोमा छे, एने सोनान सात दिवान इचमा फिरतलु छे, चू जो कोये कि.