योहान 9:30 - बारेली पावरी

³⁰ चू तीनुक जोवाब आप्यू, “जी ते नेवलायन वाट छे कि तुमु नि जानतला कि चू का वावू छे, ते बी चू मारा डूवा उगाळ देदु.

योहान 9:30 ပူးပေါင်းရင်းမြစ်များ

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

मत्ती 21:42

येसु तीनुक कोयू, “काय तुमु पवित्र शास्त्ररमा यो नी भोन्या जीना डोगला काजे बांदनेवावा रीकामू ठेरावलु होता, चू कुपरान कुपरेवावू दोगळू बोन गोयू?” यो प्रभू तोरोफसी होयो एने आमरी नोजोरमा नोवलाय छे.

मरकुस 6:6

एने चू तिंदरू अविस्वास पोर नोवलाय कोऱ्यु, एने चू चारू धोळेन गाव-गावमा सिकाळतू फिऱ्यू.

लुका 7:22

एने चू तीनु काजे कोयू, “जो काय तुमु देख्या एने सोमवला छे, जायीन योहान काजे कोय देवू; कि आंदवा देखतला, लेंगळा चालतला फिरतेला, कुळावा चुखा कोराय जातला, बेहेरा सोमोवतला, मोराला जीवता कोराय जातला, एने गोरीबो काजे वारली खोबर सोमवाळाय जातली.

योहान 12:37

चू तिंदरे सामने चमत्कार देखाळ्यू, ते बी चे तिना पोर भुरसू नि कोऱ्या;.

योहान 3:10

यो सोमवीन येसु तीना काजे कोयू, “तू इस्राईलोन गुरु होयीन बी काय इनी वातो काजे नि सोमज्यू?

योहान 9:29

आमु जानतला छे कि परमेश्वर मुसा साते वाते कोरलु; बाकीन इना माणसो काजे नी जानतला कि चू का वावू छे.”

योहान 9:31

आमु जानतला चे कि परमेश्वर पापीन नि सोमवतलु बाकीन कोदि कुदू परमेश्वरोन भोक्त छे एने तेरी मोर्जी पोर चालतलु छे, ती चु हेरी सोमवतलु छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”