योहान 9:22 - बारेली पावरी

²² जे वाते हेरा आसी बासा एरेन कोरता कोया कि चे यहुदि काजे बिहता होता, काहाकि यहुदि एक मोन होय रोया होता कि कोदि कुदू कोये कि यु मसिह छे, ती प्रार्थना घोरोमा गोथा निकाव देसे.

योहान 9:22 ပူးပေါင်းရင်းမြစ်များ

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

योहान 1:19

योहानोन गोवायी जी छे, कि जेतार यहुदि अगवा यरुशलेम गोथा पुजारू एने लेवीणूक यो पुछनेन कोरता मूकल्यु, “तू कून छे?”

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

योहान 19:38

इना वातोन ओवतेन अरिमतियाह युसूफ जू येसुन चेलू होतु, बाकीन यहुदियान बिकोसी इनी वातो काजे डूकाळीन राखतू होतु, पिलात सी विनता कोऱ्यु कि काय मी येसुन धोळे लीन जाय सोके पिलात हेरी विनता सोमव्यू, एने चू आवीन हेरो धोळे लीगोयू.

योहान 20:19

तिने दाहळे यु हाप्तान पेहेले दाहळू होतु, सांतेन टेमे जेतार चा वावा झोपला पोर जां चेला होता, यहुदियान बिकोन मारे बोंद होता, ती येसु आयु तिंदरे इचमा मा उभू रोयीण तीनु काजे कोयू, “तुमु काजे शांती जोळे.”

योहान 7:13

ते बी यहुदियान बिकोन मारे कुदु माणूस तेरे बारामा उगाळीन नि बुलतु होतु.

योहान 9:18

बाकीन यहुदि काजे भुरसू नि होयू, कि चू आंदवू होतु एने हिमी देख रोयू, जेतार चे तीनाक जेरा डूवा उगळी गोया होता, तेरा आसी बासाक बुलावीन.

योहान 9:21

बाकीन आमु यो नी जानता कि हिमी कोसु देखे, एने नि यो जानता कि हिमी कोसू काय देखे, एने यो नि जानता कि कुन एरा डूवा उगाळ्यु यु सोमजदार छे, हीना काजे पुछ लेयू; यु आपना बारामा खुद कोय देसे.

योहान 9:34

चे तीनाक जोवाब आप्या, “तुते निसतू पापोमा पोयदा होयलु छे, तू आमु काजे काय सिकाळतलु छे?” एने चे तीना काजे बारथे निकाव देदा.

योहान 9:35

येसु सोमव्यू कि चे तीनाक बारथे निकाव देदलु छे, एने जेतार तेरेसी भेट होई ती कोयू, “काय तू माणसोन पुऱ्या पोर भुरसू कोरतेलू छे?”

प्रेषित 4:18

चे तीनुक बुलावीन आग्या आप्या कि, येसुन नाव लीन वात कोरता झुनी एने नि प्रचार कोरजू.

प्रेषित 5:13

बाकीन कुदान हिंमत नि होयती होती कि तीनुमा जाय लागे; ते बी माणसे तिंदरी बोढाई कोरता होता.

प्रेषित 5:40

तेत्यार चे तिंदरी वात मान लेदा एने प्रेषितोन काजे बुलावीन देवाळ्या; एने जू आदेश आपीन छुळ देदा कि येसुन नाव एने पोछा लेता झुनी.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.