योहान 9:18 - बारेली पावरी

¹⁸ बाकीन यहुदि काजे भुरसू नि होयू, कि चू आंदवू होतु एने हिमी देख रोयू, जेतार चे तीनाक जेरा डूवा उगळी गोया होता, तेरा आसी बासाक बुलावीन.

योहान 9:18 ပူးပေါင်းရင်းမြစ်များ

लुका 16:31

चू तीनाक कोयू, जेतार चे मुसा एने भविष्य कोरतान नि सोमवतला ती हिमी मोरला गोथू कुदू जीवतु होयीन बी उठे ते बी तेरी नि माने.

योहान 1:19

योहानोन गोवायी जी छे, कि जेतार यहुदि अगवा यरुशलेम गोथा पुजारू एने लेवीणूक यो पुछनेन कोरता मूकल्यु, “तू कून छे?”

योहान 5:44

तुमु जो एक दिसरासी मान जुवे ती एने चो आदर जो एक मात्र परमेश्वर जू गोथो छे, नि जुवतलो, कहानला रितीसी भुरसू कोर सोकतला छे?

योहान 9:19

तीनु काजे नि पुछ्या, “काय यु तुमरु पुऱ्यु छे, जीनाक तुमु कोयतेला कि आंदवू पोयदासी आवलु होतु? ती हिमी यु कोसू देखे?”

योहान 9:22

जे वाते हेरा आसी बासा एरेन कोरता कोया कि चे यहुदि काजे बिहता होता, काहाकि यहुदि एक मोन होय रोया होता कि कोदि कुदू कोये कि यु मसिह छे, ती प्रार्थना घोरोमा गोथा निकाव देसे.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.