51 मी तुमु काजे छाचलीन-छाचलीन कोय कि “ओगर कुदू माणूस मारा वचनोपोर चालतलु, ती चू ओमोर काव तोक मोत नि देखे.”
मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.
एने पवित्र आत्मान लारे तीना पोर देखायतो होतो कि जेतार तोक चू प्रभून मसिह काजे देखी नी लेये, तेत्यार तोक मोत काजे नी देखे.
येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”
जे वाते मे तुमु काजे कोयलु होतु, गुलाम आपना मालिक गोथू मोटलु नि रोयतलु, “इनाक फोम राखू. ओगर चे मेसेक तोकलीत आप्या, ती तुमु काजे बी तोकलीत आपसे, ओगर चे मारी वात मानता, ती तुमरी बी माणसे.”
“मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”
मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.
यु चू रुटू छे जो सोरगे गोथो उतेरतलो छे काहाकि माणसे तीनाक खाय एने नि मोरे.
येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”
यहुदि तीना काजे कोया, “हिमी जान लेदा कि तारेमा भुंडली आत्मा छे अब्राहाम मोर गोयू, एने भविष्य कोरता बी मोर गोयला छे; एने तू कोयतलू, ओगर कुदु मारा वचन पोर चालतलु चू मोतन सोवाद नि चाखे.”
तुमु ते तीनाक नि जानतला बाकीन मे ते तीनाक जानतलु ओगर मी कोय कि मी तीनाक नि जानतलु ती मे तुमरेन तोसु झुटू ठेरायीस; बाकीन मे तीनाक जानतलु एने तेरा वचनोपोर चालतलु.
भुरसासी हनोख उपोर चुटाय गोयू चू मोरोन काजे नि देख्यू, तेरो पोतू नी लाग्यू काहाकि परमेश्वर तीना काजे चूट लेदलु होतु, तेरे चुटाय जाणेन पेहेल तेरी जी गोवायी आपायली होती कि चूटनेन पेहेले चू परमेश्वर काजे मोंगावू होतु.
बाकीन आमु तीना काजे मतलब येसु काजे जू थुलाक टेमोन कोरीन सोरग दूतो सी कोम कोराय गोयू, मोरोनोन दुख हाकेलनेन कोरीन महिमा एने आदरोन मुकुट पेहेरलु देखला, काहाकि परमेश्वरोन मोंगसी चू आखान मोरोनोन चव चाखे.