योहान 8:44 - बारेली पावरी

⁴⁴ तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

योहान 8:44 ပူးပေါင်းရင်းမြစ်များ

मत्ती 12:34

“हे घोळसान पीला, तुमु भुंडला होयीन बी कोसा वारलो वाते कोय सोकतला? काहाकि जो मोनोमा भोरलो छे, चोत मुयोमा आव लागतेलो.”

मत्ती 13:15

काहाकि इना माणसोन मोने काठला होय गोयला छे, एने चे कानटासी उचेत सोमवतला एने चे आपना डूवा ढाक लेदला छे; कोदि ओसो नी होयनो जुवे कि चे डूवे कोरीन देखे, एने कानटासी सोमवे एने मोनोसी सोमजे, एने फिर जाय, एने मे तीनुक वारू कोरो.

मत्ती 13:38

खेत जोग छे, वारलो बीज राज्योन पुऱ्या, एने जंगली बीज भुतडान छे.

योहान 6:70

येसु तीनुक जोवाब आप्यू, “काय मे तुमु बारा जोना काजे नि नेवाळ्यू? ते बी तुमरेमा गोथू एक जोन भुतडू छे.”

योहान 7:17

कोदि कुदू तेरी मोर्जी पोर चालनेन कोरे, ती चू इना सिकापोनोन बारामा जान लेसे कि यो परमेश्वर जुव गोथो छे कि मे मारे जुव गोथू कोरतेलू छे.

योहान 8:38

मे चोत कोरतेलु, जो मारेनचा देखलू छे; एने तुमु चोत कोरता रोयतेला यो तुमु आपना बासोन सोमवला छे.

योहान 8:41

“तुमु आपना बासोन तोसो काम कोरतेला” चे तीनाक कोया, “आमु भुंडला विचारसी नी जोनाया, आमरू एक बास चे मतलब परमेश्वर.”

योहान 8:55

तुमु ते तीनाक नि जानतला बाकीन मे ते तीनाक जानतलु ओगर मी कोय कि मी तीनाक नि जानतलु ती मे तुमरेन तोसु झुटू ठेरायीस; बाकीन मे तीनाक जानतलु एने तेरा वचनोपोर चालतलु.

प्रेषित 13:10

“हे आखा कपटी दोगावा एने आखा लुचळा मायला भोरायलु भुतडान पुऱ्या आखा धोरमीन दुष्मोन तू परमेश्वरोन सुदली वाटोक वाको कोरने नि छुळे काय?”

प्रेषित 24:9

यहुदि तीनाक साथ देता जायन कोया जी वात इना रितीसी छे.

प्रेषित 5:3

पतरस कोयू हे हनन्या! भुतडो तारा मोनोमा जी वात काहा नि कोयू कि तू पवित्र आत्माक झूट बुलने एने जागान दामोमा गोथो काहीन निकावीन मेक लेदू.

2 कुरीन्थियो 11:3

बाकीन मे बिहतेलु कि जोसू घोळसु आपनी चोतूरायसी हव्वा बायर काजे फोसाळ्यु, तोसुत तुमरो मोन इना सुधा एने चुखलासी जे मसिह साते होयनो जुवे, काहनोत नाश नी होयनो जुवे.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

2 पतरस 2:4

काहाकि जेतार परमेश्वर तिना सोरग दूत काजे जे पाप कोरला नि होय छुळयु, बाकीन नोरोकोमा आंदारला कुंडामा नाख देदु, काहाकि नियावन दाहळे तोक बांदायला रोयसे.

1 योहान 1:8

कोदि आमु कोयजे कि आमरेन काहीन बी पाप नि होय, ती आपने खुद काजे धोकू आपतला छे, एने आमरेमा खोरलो नि होय.

1 योहान 2:21

मे तुसेक इनान कोरता नि लिख्यू कि तू खरलो नि जानतलु, पुन इनान कोरता कि हिनाक जानतलु छे, एने इनान कोरता कहानलो झूट, खोरला भूनी गोथो नि.

1 योहान 2:4

जो कुदू यो कोयतू होसे, मे हिनाक जान गोयलु छे, एने हेरी आग्या काजे नि मानतला, होयू झुटू छे एने हिनामा खोरलो नि होय;

1 योहान 3:12

एने केनोन सारखो मा बोलू जू तिना पापोसी होतु, एने जू आपना भाशो काजे मार देदलु इनान कोरता कि तेरा कामे भुंडला होता, एने तेरा भाशोन काम धोरमीन होता.

1 योहान 3:15

जू कुदू आपना भाशो पुठी दुष्मोनी कोरतेलू, चू हत्यारु छे, एने तुमु जानतेला छे कि काहना हत्यारमा ओमोर जीवन नी रोयतलु.

यहुदा 1:6

ओवतेन जे सोरग दूते आपना पोदो काजे जागेत नी राख्या नी तेत्यार आपना नेचला रोयने काजे छुळ देदा, चे इनुक बी तिना भाशोन दाहळान नियावोन कोरता आंदारलामा, जू ओमोरकाईन कावोन कोरता छे, बांदलो राखलु छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

प्रकाशित वाक्य 9:11

आखिर कुंडान दूत तिंदरे पोर राजा होतु; तेरो नाव इब्रीमा अबद्दोन, एने युनानीमा अपुल्लयोन छे.