योहान 8:38 - बारेली पावरी

³⁸ मे चोत कोरतेलु, जो मारेनचा देखलू छे; एने तुमु चोत कोरता रोयतेला यो तुमु आपना बासोन सोमवला छे.

योहान 8:38 ပူးပေါင်းရင်းမြစ်များ

योहान 5:19

इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

योहान 8:41

“तुमु आपना बासोन तोसो काम कोरतेला” चे तीनाक कोया, “आमु भुंडला विचारसी नी जोनाया, आमरू एक बास चे मतलब परमेश्वर.”

योहान 5:30

मे खुद काहीन नि कोर सोकतलु जोसो सोमवतलु छे, तोसु नियाव कोरतेलु छे; एने मारू नियाव खोरलू छे, काहाकि मे मारी मोर्जी नि बाकीन मेसेक मुकलने वावान मोर्जी चाहतलु छे.

योहान 14:24

जू मार पोर मोंग नि कोरे, चू मारो वचन नि मानतलु; एने जो वचन तुमु सोमोवतला चो मारो नि होय बाकीन बासोन छे, जू मेसेक मूकल्यु.

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 8:26

तुमरा बारामा मेसेक घोनो काहीन कोयनो एने ठेरावणो छे; बाकीन मेसेक मुकलने वावू खोरलू छे, एने जो मे तिना जुव गोथू सोमवलू चोत जोगो काजे कोयतेलु.

योहान 3:32

जो काय चू देखलू एने सोमवलू, तेरीत गोवायी आपतलु; एने कुदु तेरी गोवायी मानतलु नि.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

मत्ती 3:7

तेत्यार चू लोकेत फरुशी एने सदुकी काजे बाप्तिस्मा लेणे कोरीन तेरेनचा आवतेला देख्यू, ती तीनुक कोयू, “हे जेहेर वावा घोळसान पिला, तुमुक कून जोताळलो कि आवने वावा परमेश्वरोन दोंडसी ढासने?”