32 तुमु खोरला काजे जानसु, एने तुमुक छुळावसे.
मारो जुवळो आपनेपोर हाकली लेवू, एने मारेसी सीकू; काहाकि मे नम्र एने मोनोन गोरीब छे एने तुमु काजे आपना आत्मामा आराम जोळसे.
एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.
इनान कोरता कि नियम शास्त्र ते मुसान लारे आपायलो छे, बाकीन मोंग एने खोरलो येसु मसिहन लारे पूगी.
येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.
बाकीन जेतार चू मतलब खोरलायीन आत्मा आवसे, ती तुमु काजे आखी खोरलायीन वाट देखाळसे, काहाकि चू तेरे जुव गोथू नि कोये बाकीन जो काय सोमोवसे चोत कोयसे, एने आवने वावा वाते तुमुक कोयसे.
खोरलान लारे हिनुक चुखो कोर तारो वचन खोरलो छे.
भविष्य कोरतान लेखो मा यो लिखलो छे ‘चो आखो परमेश्वर जुव गोथो लिखाय गोयो होसे’ जो कुदु बासो जूव गोथो सोमव्या एने सीखला छे, चे मारे साते आवसे.
कोदि कुदू तेरी मोर्जी पोर चालनेन कोरे, ती चू इना सिकापोनोन बारामा जान लेसे कि यो परमेश्वर जुव गोथो छे कि मे मारे जुव गोथू कोरतेलू छे.
इनान कोरता ओगर पुऱ्यु तुमुक छुळावसे, ती छाचलीन तुमु छुळवाय जावू.
बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,
काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.
काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.
काहाकि जू दासोन हालोतमा प्रभूमा बुलावलु गोयलु छे, चू प्रभून स्वातंत्र कोरलु छे तोसुच जू मोकवायीन हालतमा बुलावलु गोयलु छे, चू मसिहन दास छे.
मसिह आजादोन कोरता आपु काजे आजाद कोरलु छे हिमी तोक इनामा पाका रोयू, एने गुलामोन हातोमा ओवी पोसा मा जावू.
हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.
एने दाहळीन सिकती ते रोयतली छे पुन खोरला वातोनचा लोगुन कोबी नि पुगतली.
बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.
तुमु तीना माणसो सारखा वचन बुलू एने काम भी कोरु, जिंदरु नियाव आजादी व्यवस्थान अनसारे होयसे.
तुमु खुद काजे आजाद कोयू; बाकीन आपनी इनी आजादी काजे बुराईन कोरता आडोव मा बोनावु; बाकीन तुमु खुदो काजे परमेश्वरोन दास सोमजीन चालू,
मारा डायला जुव तेरे जुव गोथो नेवाळली बायर एने तेरा पुऱ्यान नाव, जिंदरे पोर मे खोरलो मोंग कोरतेलू छे, एने मे ओतरू नि बाकीन जे आखा बी मोंग कोरतेला जे खोरला काजे जानतला.
