योहान 8:31 - बारेली पावरी

³¹ तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

योहान 8:31 ပူးပေါင်းရင်းမြစ်များ

मत्ती 24:13

बाकीन जू आखरी तोक वाट जुवीन हिंमत धोर रोयसे, तेरु छुटकारू होयसे.

योहान 1:47

येसु नथनेल काजे आपने भूनी आवतेलु देखीन तेरा बारामा कोयू, “देखू, यु छाचलीन इस्राईल छे इनाम मोटाय नि होय.”

योहान 2:2

येसु एने तेरा चेला बी तिना वियावोमा बुलावला होता.

योहान 6:55

काहाकि मारो मास देखणे जाय ती खाणेन चीज छे, एने मारो लुय देखणे जाय ती पिणेन चीज छे.

योहान 8:36

इनान कोरता ओगर पुऱ्यु तुमुक छुळावसे, ती छाचलीन तुमु छुळवाय जावू.

प्रेषित 13:43

जेतार आराधना सोर गोयी ती घोन सोवटा यहुदिवावा आवला एने भोक्तीवावान गोथा घोणा सोवटा माणसे पौलुस एने बरनाबास पोछोव चाल पोळ्या चे वाते कोयता जायीन तीनु काजे सोमजाड्या कि परमेश्वरोन दयामा टीकिन रोयजू.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

प्रेषित 26:22

इना रितीसी परमेश्वरोनचा गोथो मदत लीन मे आज तोक बोनलू छे एने नानला मोटला ओगोव गोवायी आप रोयू एने जे वात भविष्य कोरता एने मुसा कोयलु छे कि चे होयने वावा छे इनुक छुळीन एने काय नि कोयतेलु.

रोमी 11:22

इनान कोरता परमेश्वरोन मोंग एने काठलो पण देख, जे पोड गोया तिंदरे पोर काठलो छे बाकीन तारे पोर मोंग, हिमी तू तिनामा पाकु रोय, नीती तुसेक बी काट नाखसे.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

1 तीमथी 2:15

ती भी बायर पुऱ्या काजे जन्मो आपनेने लारे छुटकारू हासील कोरसे, अगर ची धीर साते भुरसू, मोंग, एने चुखलामा एक जागे रोये.

1 तीमथी 4:16

तुमरी एने तुमरा प्रचारन तोपास कोर. इनू वातो पोर एक जागे रोय, काहाकि अगर ओसू कोरतू रोयीस ती तू तारा एने तारा सोमोवने वावान कोरता बी छुटकारान वोजा होयसे.

2 तीमथी 3:14

पुन तू हीनु वातो पोर जो तू सिकलू होतु एने भुरसू कोरलु होतु यो जानीन पाकु बोनीन रोय कि तू हीनु कहानला माणसोनचा गोथू सिकलू छे.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

इब्रानियो 8:9

यो तिनी वायदान सारखो नी होय जी मे तीनु डाह डाहा साते तिने दाहळे लेदलु होतु, जेतार तीनु काजे मिसर देसोमा गोथो निकवीन लावनेन कोरता तिंदरू हात धोरलु होतु, एने इनान कोरता कि चे मारा वचन पोर पाका नी रोया, प्रभू कोये कि मे तिंदरू विचार नी कोऱ्यु.

याकुब 1:25

बाकीन माणूस आजादी सिद्ध नियम शास्त्र पोर ध्यान कोरतू रोयतलु छे, चू आपना कामोमा इनान कोरता आशिष जोळसे कि सोमवीन विसरे नी बाकीन तोसोच काम कोरतेलू छे.

1 योहान 2:19

होया निकोवला ते आमरेमा गोथो छे, पुन आमरे मायला नि होता काहाकि जोर होया आमरे मायला होता, ती आमरे साते रोयता; पुन इनान कोरता निकवी गोया कि यो प्रकट होयो कि होया आखा आमरे मायला नि होय.

1 योहान 2:24

जो काय तू पेहेलेन सोमवला छे चो होयू तारेमा बोनलु रोये ती तू बी पुऱ्यामा एने बासोमा बोनलु रोयीस.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.