योहान 8:14 - बारेली पावरी

¹⁴ येसु तीना काजे जोवाब आप्यू, “भलेत मे मारी गोवायी आपतलु, ते बी मारी गोवायी खोरली छे, काहाकि मेसेक मालूम छे कि मे का गोथू आव रोयू एने का जाणे बाज रोयू? बाकीन तुमुक नि मालूम होय कि मे का गोथू आव रोयू एने का जाणे बाज रोयू.

योहान 8:14 ပူးပေါင်းရင်းမြစ်များ

योहान 10:15

जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

योहान 13:3

येसु, यो जानीन कि बास आखो काहीन मारा हातोमा कोर देदलु छे एने मे परमेश्वरोनचा गोथू आव रोयू एने परमेश्वरोनचा जाम,

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 16:28

मे बासो जुव गोथू जोगोमा आवलु छे; मे पोछु जोगो काजे छुळीन बासोनचा जाम.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

योहान 18:37

पिलात तीना काजे कोयू, “तू काय राजा छे?” येसु जोवाब आप्यू, “तू कोये कि मी राजा छे मे इनान कोरता पोयदा होयू एने इनान कोरता जोगोमा आव रोयू कि खोरलायीन गोवायी आपो जो कुदू खोरलायीन छे, चू मारू बुल सोमवतलु छे.”

योहान 5:31

ओगर मे आपसुत मारी गोवायी आपो, ती मारी गोवायी खोरली नि होय.

योहान 8:42

येसु तीनु काजे कोयू, “कोदि परमेश्वर तुमरू बास रोयतु, ती तुमु मार पोर मोंग कोरता; काहाकि परमेश्वर भूनी गोथू आव रोयू मे मार मारे नि आव्यु, बाकीन चू मेसेक मूकल्यु.

2 कुरीन्थियो 11:31

जिनान कोमजूरीसी मे कोमजुर नी होयतलु? कुदान ठूकर खाणेसी मारो जीव नी दुखतलु प्रभू येसुन परमेश्वर एने बास जू कायम सोयावा छे, जानतलु छे कि मे झूट नी बुलतलु.

2 कुरीन्थियो 12:11

मे बिन ओकल्यु ते बोन्यू, बाकीन तुमुत मेसेक यो कोयनेन कोरता मोजबुर कोऱ्या. तुमुक ते मारी बोढाई कोरनो जुवतो होतो, काहाकि हिमी मे कायबी नी होय, तीबी तीनुक मोटलासी मोटला प्रेषितोन सी काहना वातोमा कोम नी होय.

2 कुरीन्थियो 12:19

तुमु हिमी तोक सोमोज गोया होसे कि आमु तुमरे सामने मुयो पोर मूय कोर रोया आमु ते परमेश्वर उपस्तीती जानीन मसिहमा बुलतला छे, एने हे मोंगावा, आखा वाते तुमरा बोढतीन कोरीन कोय रोया.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि