योहान 8:12 - बारेली पावरी

¹² येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”

योहान 8:12 ပူးပေါင်းရင်းမြစ်များ

मत्ती 5:14

तुमु जोगोन विजावो छे जो सोहोर बोयळा पोर बोसलो छे चो डीकाय नि सोके,

लुका 2:32

कि चू दिसरा जाती काजे विजावो आपनेन कोरता दिवू, एने तारा प्रेषितोन माणसे इस्राईलोन महिमा होये.”

योहान 12:35

येसु तीनु काजे कोयू, “विजावो हिमी थुलिक वार तोक तुमरेमा छे जेतार तोक विजावो तुमरे पुठी छे तेत्यार तोक चालता रोयू, ओसो नि होये कि आंदारो तुमुक आवीन घेर लेये; यु आंदाराम चालतलु चू नि जानतलु कि कांखुर जाणे बाज रोयू.

योहान 12:36

जेतार तोक विजावो तुमरे पुठी छे, विजावा पोर भुरसू कोरु काहाकि तुमु विजावान पुऱ्या बोने” जे वाते कोयीन येसु जात रोयू एने तिंदरेनचा गोथू डूकाय रोयू.

योहान 12:46

मी जोगोमा विजावो बोनीन आव रोयू, काहाकि जू कुदु मार पोर भुरसू कोरे चू आंदारामा नि रोये.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 3:19

एने दोंडोन आग्यान वोजह यो छे कि विजावो जोगोमा आवलो छे एने माणसे आंदारला काजे विजावासी जादा मोंग कोऱ्या काहाकि तिंदरा काम भुंडला होता.

योहान 7:17

कोदि कुदू तेरी मोर्जी पोर चालनेन कोरे, ती चू इना सिकापोनोन बारामा जान लेसे कि यो परमेश्वर जुव गोथो छे कि मे मारे जुव गोथू कोरतेलू छे.

योहान 9:5

जेतार तोक मे जोगोमा छे, तेत्यार तोक जोगोन विजावू छे.”

प्रेषित 13:47

काहाकि प्रभू आमु काजे जी आग्या आपलु छे कि, “मे तुसे काजे दिसरा जातीन कोरता विजावा ठेरावलु छे, तू धोरतीन धोळे तोक छुटकारू कोरने वावू बोनीस.”

प्रेषित 26:23

बाकीन जो कि मसिह काजे दुख उठावणे पोळसे एने चू मोरलामा गोथू जीव उठने वावामा पेहेलू होईन यहुदिन प्रजान एने दिसरा जातीमा विजावान प्रचार कोरसे.

2 पतरस 2:17

जे माणसे सुकला कुवा, एने आंजीन उढावलो वादवो छे; तिंदरेन कोरता आखरी तोक आंदारो ठोराव देतला छे.

2 पतरस 2:4

काहाकि जेतार परमेश्वर तिना सोरग दूत काजे जे पाप कोरला नि होय छुळयु, बाकीन नोरोकोमा आंदारला कुंडामा नाख देदु, काहाकि नियावन दाहळे तोक बांदायला रोयसे.

1 योहान 1:6

कोदि आमु कोयजे कि तेरी पुठी आमरी भागीदारी छे एने ओवी आंदारलामा चाले, ती आमु झुटा छे एने खोरला पोर नि चालतला.

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.

यहुदा 1:6

ओवतेन जे सोरग दूते आपना पोदो काजे जागेत नी राख्या नी तेत्यार आपना नेचला रोयने काजे छुळ देदा, चे इनुक बी तिना भाशोन दाहळान नियावोन कोरता आंदारलामा, जू ओमोरकाईन कावोन कोरता छे, बांदलो राखलु छे.

प्रकाशित वाक्य 21:24

जाती-जातीन माणसे तेरा विजावामा चाले-फिरे, एने कोवीन राजा आपना-आपना तेजोन समान हिनामा लावसे.