योहान 7:28 - बारेली पावरी

²⁸ तेत्यार येसु मंदीरमा प्रचार कोरतू जायीन आयळीन कोयु, “तुमुक मेसेक जानतला छे, एने जोबी जानतला छे कि मे कां वावू छे मे ते आपसुत नि आव्यु, बाकीन मेसेक मुकलने वावू खोरलू छे, तीनाक तुमु नी जानतला.

योहान 7:28 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 2:23

एने नासरेथ नावोन सोहोरोमा जाय लाग्यू, काहाकि चो वचन पुरो होये, जो भविष्य कोरतान लारे कोवायलो होतो, चू नासुरी कोवायसे.

मत्ती 26:55

तिनी टेमे येसु भीळ काजे कोयू, “तुमु तलवारे एने डेंगा लीन मेसेक डाखून तोसो धोरणे कोरीन निकवी रोया?” मे दाहळीन मंदीरमा बोसीन प्रचार कोरतू होतु एने तुमु मेसेक नि धोऱ्या.

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

लुका 2:11

कि आज दाऊदन सोहोरोमा तुमरेन कोरता एक छुटकारू आपन्यु पोयदा होय रोयू, एने युत मसिह प्रभू छे.

लुका 2:39

जेतार चे प्रभून नियमोन अनसारे आखो काय पुरो कोर लेदा ती गलीलमा आपनो गाव नासरेथमा पोछा जात रोया.

लुका 2:4

आखरी युसूफ बी इनान कोरता कि चू दाऊदन घोरानान एने पोयदावारी होतु, गलीलोन नासरेथ सोहोरोमा गोथू यहुदियामा दाऊदन सोहोर बेथलेहेममा गोयू,

लुका 2:51

तेत्यार चू तिंदरे पुठी गोयू, एने नासरेथमा आव्यु, एने तिंदरा कोयामा रोयू; एने तेरी आया जे आखा वाते आपना मोनोमा राखी.

योहान 1:46

नथनेल तीना काजे कोयू, “काय कुदु वारलो चीज नासरेथमा गोथी निकवी सोकतली?” फिलीप तीनाक कोयू, “आवीन देखले.”

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

योहान 12:49

काहाकि मे मारेनचा गोथू वाते नि कोऱ्यु; बाकीन बास जू मेसेक मुकेललु छे चू मेसेक आग्या आपलु छे कि काय-काय कोयो एने काय-काय बुलो?

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 14:31

बाकीन यो इनान कोरता होय रोयो कि जोग जाणे कि मे बासोपोर मोंग कोरतेलू छे, एने जोसो बास मेसेक आग्या आपलु मे तोसोच कोरतेलू छे. उठू, न्या गोथा जाता.

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

योहान 17:25

हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 3:2

चू राती येसुनचा आवीन तीना काजे कोयू, “हे रब्बी, आमु जानतला कि तू परमेश्वरोनचा गोथू गुरु बोनीन आव रोयू, काहाकि कुदू इना चमत्कार काजे जो तू देखाळलु, ओगर परमेश्वर तिना पुठी नि होय ती नि देखाळ सोकतलु.”

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

योहान 5:32

एक ओवी छे जू मारी गोवायी आपतलु छे, एने मे उवखतलु छे मारी जी गोवायी चू आपलु छे, चीत खोरली छे.

योहान 5:43

मी आपना बासोन नावोसी आवलु छे, एने तुमु मेसे काजे स्वीकार नि कोरतेला; ओगर दिसरू कुदू मारा नावोसी आवे ती तीनाक स्वीकार कोर लेसू.

योहान 6:42

एने चे कोया, “काय यु युसूफोन पुऱ्यु येसु नि होय, जिनान आसी-बासा काजे आमु जानतेला छे? ती यु कोसू कोये कि मे सोरगे गोथू उतरलु छे?”

योहान 7:14

जेतार तीहीवारोन आदु दाहळू होय गोयू; ती येसु मंदीरमा जायीन सिकाळने बाज गोयू.

योहान 8:14

येसु तीना काजे जोवाब आप्यू, “भलेत मे मारी गोवायी आपतलु, ते बी मारी गोवायी खोरली छे, काहाकि मेसेक मालूम छे कि मे का गोथू आव रोयू एने का जाणे बाज रोयू? बाकीन तुमुक नि मालूम होय कि मे का गोथू आव रोयू एने का जाणे बाज रोयू.

योहान 8:16

ओगर मे नियाव कोरे बी, ती मारू नियाव खोरलू छे; काहाकि मे एखलु नि, बाकीन मेत छे, एने बास चे यु मेसेक मूकल्यु.

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

योहान 8:26

तुमरा बारामा मेसेक घोनो काहीन कोयनो एने ठेरावणो छे; बाकीन मेसेक मुकलने वावू खोरलू छे, एने जो मे तिना जुव गोथू सोमवलू चोत जोगो काजे कोयतेलु.

योहान 8:42

येसु तीनु काजे कोयू, “कोदि परमेश्वर तुमरू बास रोयतु, ती तुमु मार पोर मोंग कोरता; काहाकि परमेश्वर भूनी गोथू आव रोयू मे मार मारे नि आव्यु, बाकीन चू मेसेक मूकल्यु.

योहान 9:29

आमु जानतला छे कि परमेश्वर मुसा साते वाते कोरलु; बाकीन इना माणसो काजे नी जानतला कि चू का वावू छे.”

प्रेषित 17:23

काहाकि मे फिरतू जायीन आखी तुमरी पूजनेन चीजे देख रोयू होतु ती एक ओसी वेदी बी देख्यू जीना पोर लिखलो छे; ओनजान परमेश्वरोन कोरता इनान कोरता जीनाक तुमु बिना ओनजाण्यान पूजा कोरे, मी तुमु काजे तेरी वारली खोबर सोमवाळतलु.”

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

रोमी 3:4

कोदि बी नी, बाकीन परमेश्वर खोरलू एने होर एक माणूस झुटू ठेरायसे, जोसो लिखलो छे “जीनासी तू आपनी वातोमा धोरमी ठेरावणे एने नियाव कोरनेन टेमे तुसेक जीत जोळे.”

2 कुरीन्थियो 1:18

परमेश्वर खोरलु गोवा छे कि आमरा तीना वचनमा जो मे तुमु काजे कोयू “हाव एने नी दुयू नी जोळ जातला.”

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.