योहान 6:51 - बारेली पावरी

⁵¹ जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

योहान 6:51 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

लुका 22:19

ओवतेन चु रुटू लेदू, एने धन्यवाद कोरीन भांग्यु, एने तीनु काजे यो कोयतु जाईन आप्यू, “यो मारो डील छे यो तुमरेन कोरता आपाय जाय रोयो मारा स्मरणन कोरता यो कोरता रोयजू.”

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

योहान 11:26

एने जू कुदु जीवतलु छे एने मार पोर भुरसू कोरतेलू छे, चू ओमोर जीवन तोक नि मोरे. काय तू इनी वातोपर भुरसू कोरतेली छे?”

योहान 3:13

कुदू सोरगोपोर नि चोळ्यु, निस्तु चू सोरगोमा गोथू उतेरलू मतलब माणसोन पुऱ्यु जू सोरगोमा छे.

योहान 3:14

एने जिना रितीसी मुसा बोयळामा घोळसा काजे उपोर चोळाव्यू, इनी रितीसी जोरुरी छे कि माणसोन पुऱ्यु उचला पोर चोळाय जाय;

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

योहान 6:33

काहाकि परमेश्वरोन रुटू युत छे जो सोरगोमा गोथो उतरीन जोगो काजे जीवन आपतलो छे.”

योहान 6:35

येसु तीनुक कोयू, “जीवनोन रुटू मेत छे जू मारे साते आवे छे चू कोबी भूकलू नि रोये, एने जो मार पोर भुरसू कोरे चू कोबी तीसलु नि रोये.

योहान 6:41

इनान कोरता यहुदि तीना पोर कुरकुर कोरणे बाज गोया, काहाकि चू कोयलु होतु, “यु रुटू सोरगे गोथू उतऱ्यु चू मेत छे.”

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

योहान 6:48

जीवनोन रुटू मेत छे.

योहान 6:50

यु चू रुटू छे जो सोरगे गोथो उतेरतलो छे काहाकि माणसे तीनाक खाय एने नि मोरे.

योहान 7:38

जू मार पोर भुरसू कोरसे, जोसो पवित्र शास्त्रमा आवलो छे, ‘तेरा डीलोमा गोथो जीवनोन पाणीन नोदी वोयीन निकवसे.’”

2 कुरीन्थियो 5:19

मतलब परमेश्वर मसिहमा रोयीण आपने साते जोगोन हिव मेवीन कोर देदू, एने तिंदरा गुणा काजे तीनु पोर नि लागाळयू, एने चू हिव मेवोन वचन आपुक आप देदू.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:25

हे माणसो आपनी-आपनी लाडी पोर मोंग कोरु जोसू मसिह बी मंडवी पोर मोंग कोरीन खुदो काजे तेरोन कोरता आप देदू

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 10:20

जी चू पोडदु मतलब आपना डीलोन लारे आपनेन कोरता उगाळ देदलु छे.

1 पतरस 2:4

तेरेनचा आवीन, जीना काजे माणसे रीकामू कोयतेला बाकीन परमेश्वरोन साते नेवाळलु छे एने मोहेंगलु जीवतलु दोगळू छे,

1 योहान 2:2

एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

1 योहान 4:14

आमु देखी बी लेदा एने गोवायी आपजे कि बास पुऱ्या काजे जोगोन छुटकारू आपन्यु कोरीन मुकली रोयू.