योहान 6:47 - बारेली पावरी

⁴⁷ मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

योहान 6:47 ပူးပေါင်းရင်းမြစ်များ

योहान 11:26

एने जू कुदु जीवतलु छे एने मार पोर भुरसू कोरतेलू छे, चू ओमोर जीवन तोक नि मोरे. काय तू इनी वातोपर भुरसू कोरतेली छे?”

योहान 14:19

एने थुलिक टेम रोय गोयली छे कि ओवी संसार मेसेक नि देखे, बाकीन तुमु मेसेक देखसु, इनान कोरता कि मे जीवतलु छे, तुमु बी जीवतला रोयसू.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

योहान 6:27

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

योहान 6:50

यु चू रुटू छे जो सोरगे गोथो उतेरतलो छे काहाकि माणसे तीनाक खाय एने नि मोरे.

योहान 6:51

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

योहान 6:54

जू मारो मास खातलु एने मारो लुय पितलु छे, ओमोर जीवन तीरोत छे; एने मे तीनाक आखरी दाहळे एने जीव उठाळीस.

योहान 6:58

जू रुटू सोरगे गोथू उतरलु छे, तिना रुटा सारखो नि जीनाक बाप दादा खादला एने मोर गोया; जू कुदु यु रुटू खासे, चू कायम जीवतलु रोयसे.