योहान 5:23 - बारेली पावरी

²³ कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.

योहान 5:23 ပူးပေါင်းရင်းမြစ်များ

मत्ती 10:37

“जू आश नीती बास काजे मारे गोथू जादा मोंगावू जानतेला छे, चे मारा लायक नि होय; एने जू पुऱ्यु नीती पुराय काजे मारे गोथू जादा मोंगावू जाणे, चू मारु लायक नि होय

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 12:21

एने दिसरा जातीन तेरेम वावा आस कोरसे.

मत्ती 15:8

जे माणसे हुटोसी ते मारू मान कोरतेला छे, बाकीन तिंदरो मोन मारेसी नांबे रोयतलो छे.

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

लुका 10:16

“जू तुमरी सोमवतलु, चू मारी सोमवतलु; एने जू तुमु काजे नेचू सोमोजतलु, चू मेसे काजे नेचू सोमोजतलु; एने जू मेसेक नेचू सोमोजतलु, चू मेसेक मुकोलने वावा काजे नेचू सोमोजतलु”.

योहान 14:1

तुमरो मोन कासावीस नि होये; परमेश्वर पोर भुरसू कोरु एने मार पोर बी भुरसू कोरु.

योहान 16:14

चू मारी महिमा कोरसे, काहाकि चू मारी वातोमा गोथू लीन तुमुक कोयसे.

योहान 17:10

एने जो काहीन मारो छे चो आखो तारो छे, एने जो तारो छे चो मारो छे, एने इनासी मारी महिमा देखायली छे.

रोमी 1:7

तीनु आखान नावे जे रोममा परमेश्वरोन मोंगावा छे एने चुखला होयनेन कोरीन बुलावला छे; आखान बास परमेश्वर एने प्रभू येसु मसिहनचा गोथो तुमु काजे दया एने शांती जोळतली.

रोमी 15:12

एने ओवी यशयाह कोये कि, “यिशैयोन एक थुळ देखा पोळसे, एने दिसरा जातीन सुबेदार होयनेन कोरता एक उठसे, तिना पोर दिसरा जात्या आस राखसे.”

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 8:9

बाकीन जेतार परमेश्वरोन आत्मा तुमरेमा बोसतलु छे ती तुमु डीलोन रितीन नी बाकीन आत्मिक रितीमा छे अगर काहनामा येसु मसिहन आत्मा नी होय ती चू तेरु नी होय.

1 कुरीन्थियो 1:3

आमरू बास परमेश्वर एने प्रभू येसु मसिहन भूनी गोथो तुमुक दया एने शांती जोळती रोये.

1 कुरीन्थियो 10:31

इनान कोरता तुमु चाहे ती खावू, पिवू, जो जुवे चो कोरु, आखो काय परमेश्वरोन महिमान कोरता कोरु.

1 कुरीन्थियो 16:22

कोदि कुदु प्रभूसी मोंग नी राखे ती चू शापित होये. हे आमरा प्रभू, आव.

1 कुरीन्थियो 6:19

काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?

2 कुरीन्थियो 1:9

बाकीन आमु आपना मोनोमा सोमोज गोयला होता कि आमरेपोर मोरनेन आग्या होय गोयली छे, काहाकि आमु आपनु भुरसू नी राखे बाकीन परमेश्वर जू मोरला काजे जीवाळतलु छे.

2 कुरीन्थियो 13:14

प्रभू येसु मसिहन दया एने परमेश्वरोन मोंग एने पवित्र आत्मान सहभागीता तुमरे साते रोयती रोये.

2 कुरीन्थियो 5:14

काहाकि मसिहन मोंग आपनु काजे मजबूर कोर देतलो छे, इनान कोरता कि आपनु यो सोमोजतेला कि जेतार एक आखान कोरता मोऱ्यु ती आखा मोर गोया.

2 कुरीन्थियो 5:19

मतलब परमेश्वर मसिहमा रोयीण आपने साते जोगोन हिव मेवीन कोर देदू, एने तिंदरा गुणा काजे तीनु पोर नि लागाळयू, एने चू हिव मेवोन वचन आपुक आप देदू.

इफिसीयो 6:24

जे आपना प्रभू येसु मसिह पुठी खोरलो मोंग कोरतेला, तिंदरो आखापोर दया होयती रोये.

2 तीमथी 1:12

इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु.

इब्रानियो 1:6

एने जेतार चू पेहेला काजे जोगोमा पोछु लावे ती, कोये, “परमेश्वरोन आखा सोरग दूत तीनाक नोमोन कोरे.”

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

1 योहान 2:23

जू कुदू पुऱ्यान इनकार कोरतेलू छे तेरे पास बास बी नि होय.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.