योहान 5:19 - बारेली पावरी

¹⁹ इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

योहान 5:19 ပူးပေါင်းရင်းမြစ်များ

मत्ती 26:39

ओवतेन येसु थुलूक ओगु जायीन उबळू पोळ गोयू; एने जी प्रार्थना कोऱ्यु, कि हे मारा बास ओगर होय सोके ती यो दुख मारेनचा गोथो तोव जाय बाकीन जोसो मे लागे तोसो नि बाकीन जोसो तूसेक लागे तोसोत होयने दे.”

लुका 21:15

काहाकि मे तुमु काजे ओसू बुल एने ग्यान आपीस कि तुमरा आखा दुष्मोन तुमरू सामनु नीती रूकावट नि कोर सोके.

योहान 10:18

कुदू तीनाक मारेंचा गोथू हापके नी, बाकीन मी तीना काजे आपसुत आप देतलू छे मेसेक तिनान आपनेन बी होक छे, एने तीनाक पोछु लेनेन बी होक छे जी आग्या मारा बासो जू गोथी मेसेक जोळली छे.”

योहान 12:49

काहाकि मे मारेनचा गोथू वाते नि कोऱ्यु; बाकीन बास जू मेसेक मुकेललु छे चू मेसेक आग्या आपलु छे कि काय-काय कोयो एने काय-काय बुलो?

योहान 12:50

एने मेसेक मालूम छे कि तेरी आग्या ओमोर जीवन छे इनान कोरता मे जो काहीन बुलतलु, चो जोसू बास मेसेक कोयलु छे तोसोच बुलतलु.

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 2:19

येसु तीनुक जवाब आप्यू, “इना मंदीर काजे पाळ देवू, एने मे इनाक तीन दाहळामा उभो कोर दिस.”

योहान 3:3

येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

योहान 5:21

जोसू बास मोरला काजे उठाडतेलु एने जीवाळतलु छे, तोसुच पुऱ्यु बी जे गोवतेला तीनुक जीवाळतलु छे.

योहान 6:38

काहाकि मे मारा मोर्जी नि बाकीन आपने मुकलने वावान मोर्जी पुरी कोरनेन कोरता सोरगे गोथू उतरलू छे;

योहान 8:28

तेत्यार येसु कोयू, “जेतार तुमु माणसोन पुऱ्याक उचला पोर चोळावसे, ती जानसु कि मे चू छे; मे आपना खुदो काजे काहीन नि कोरतु बाकीन जोसू मारू बास मेसेक सोमवाळ्यु तोसोत जे वाते कोय रोयू.

योहान 9:4

जू मेसेक मुकललू छे, आमु तेरा काम दिसू दिसुत कोरनो जोरुरी छे; ची रात आवने वावी जीनामा कुदू काम नि कोर सोकतलू.

प्रेषित 2:24

बाकीन तीना काजे परमेश्वर मोरनेमा गोथो बंधनमा गोथू बुलाळीन जीवाळ्यु, काहाकि यो होयने वावू होतो कि चू तेरे ताबामा रोयतू.

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

1 कुरीन्थियो 15:12

इनान कोरता जेतार कि मसिहन प्रचार कोराय जातलो छे कि चू मोरलामा गोथू जीव उठ्यू, ती तुमरेमा गोथा कोतरा कोसा कोयतेला छे कि मोरलान पोछो उठनो होयीत नि?

2 कुरीन्थियो 4:14

काहाकि आमु काजे मालूम छे कि जू प्रभू येसु काजे जीवाळ्यु, चू आपनु काजे बी येसुमा भागीदार सोमजीन जीवाळसे, एने तुमरे साते आपने सामने उबराख सके.

2 कुरीन्थियो 5:10

काहाकि गोरोजोन छे कि आपना आखान हाल मसिहन नियावोन खुर्ची ओगोव उगळी जासे कि होर एक जोन आपना-आपना वारलो, भुंडला कामोन बोदलु जू चू डीलोन लारे कोरला होय जाय.

इफिसीयो 2:5

जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

फिलिप्पि 3:21

चू आपनी ताकतोन तिना असर सी जिनान लारे चे आखा चीजो काजे आपना हातोमा कोर सकतला छे, आपनी कोमजोर डीलोन रूप बोदलावीन आपनी महिमान डीलो सारका बोनाव देसे.

फिलिप्पि 4:13

जू मेसे काजे ताकत आपतलु छे तीनामा मे सोब काय कोर सोकतलु.

कुलुस्सि 1:11

तेरी महिमान अनसारे आखा भातीन ताकतसी ताकतवाला बोनता जावू, न्या तोक कि खुशीमा आखा भातीन धीर एने सहन शीलता देखाळ सोके.

कुलुस्सि 1:16

काहाकि तीनामात आखा चीजोन बोनलो छे, सोरगो मायलो होय अगर धोरती पोरलो होय, देखाये एने नि देखाये, काय सिहासन, काय प्रभूत्व, काय प्रधानता, काय होक आखी चीजे तेरे लारे एने तेरेन कोरता बोनली छे.

1 थिस्सलुनीकियो 4:14

काहाकि ओगर आमु भुरसू कोरतेला छे कि येसु मोऱ्यू एने जीव उठ्यू, तोसोत परमेश्वर तीनुक भी जे येसुमा मोर गोयला छे, तेरेत साते लीन आवसे.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

प्रकाशित वाक्य 2:23

मे हेरा पुऱ्या काजे मार नाखीस; तेत्यार आखा मंडव्या जान लेसे कि मोन एने मोन पारखने वावू मेत छे, एने मे तुमु होर एक काजे तेरे कामोन अनसारे बोदलु आपीस.