योहान 5:17 - बारेली पावरी

¹⁷ इनापोरसी येसु तीनु काजे कोयू, “मारू बास हिमी तोक काम कोरणे बाज रोयू, एने मे बी काम कोरणे बाज रोयू.”

योहान 5:17 ပူးပေါင်းရင်းမြစ်များ

मत्ती 10:29

काय एक पोयश्यामा दुयू चिल्ला नि वेचायतला? ते बी तुमरा बासोन मोर्जी विगुर तीनु मायला एक बी धोरती पोर नि पोड सोकतेला.

योहान 10:36

ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 5:16

इनान वोजेसी यहुदि येसु काजे तोकलीत देणे बाज गोया, काहाकि चू ओसला काम शब्बाथोन दाहळे कोरतू होतु.

योहान 5:18

इनापोरसी यहुदि ओवी बी जादा तीनाक मार नाखनेन कोशिश कोरणे बाज गोया, काहाकि चू शब्बाथोन दाहळान नियम काजे ओतरु नि तुडतेलु, बाकीन परमेश्वर काजे आपनु बास कोयीन आपना खुदो काजे परमेश्वर बोराबोर कोयतु होतु.

योहान 9:4

जू मेसेक मुकललू छे, आमु तेरा काम दिसू दिसुत कोरनो जोरुरी छे; ची रात आवने वावी जीनामा कुदू काम नि कोर सोकतलू.

प्रेषित 14:17

ते बी चू आपना खुदो काजे बिगर गोवान नि छुळ्यु बाकीन चू वारलो कोरतू रोयू एने सोरगोमा गोथो तुमु काजे पाणी मोसोमसी फोवे तुमरो मोन काजे खाणो एने खुशी भोरतू गोयू.

प्रेषित 17:28

काहाकि तीनामा आपु जीवतला रोयतला एने चालता फिरता एने पाका रोयतला पोसो तुमरा कोतरा भविष्य कोरता बी कोया आमु तेरा पिढी छे.

1 कुरीन्थियो 12:6

एने प्रभाव शाली काम लोकेत भातीन छे, बाकीन परमेश्वर एकुत छे, जू आखामा होर एक भातीन प्रोभाव पोयदा कोरतेलू.

कुलुस्सि 1:16

काहाकि तीनामात आखा चीजोन बोनलो छे, सोरगो मायलो होय अगर धोरती पोरलो होय, देखाये एने नि देखाये, काय सिहासन, काय प्रभूत्व, काय प्रधानता, काय होक आखी चीजे तेरे लारे एने तेरेन कोरता बोनली छे.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.