योहान 4:36 - बारेली पावरी

³⁶ काटने वावान दाहाळकी जोळतली एने ओमोर जीवनोन कोरता फोव काटतेलु, काहाकि वेरणे एने काटने वावू दुयू मेवीन खुशी कोरे.

योहान 4:36 ပူးပေါင်းရင်းမြစ်များ

मत्ती 19:29

एने कुदू घोर, एने भाशो एने, बहोनिश एने, बास एने, पुऱ्या-पारीक एने, खेतोक मारो नावोन कोरता छुळ देदला छे, तीनुक सोव गुणा जोळसे, एने चू ओमोरकाई जीवनोन अधिकारी होयसे.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

रोमी 1:13

हे भाशो मेसेक ओसो लागे कि तुमु इनासी ओनजानला रोयू कि मे घोळी-घोळी तुमरेनचा आवनेन कोऱ्यु कि जोसो मेसे काजे दिसरा जातीमा फोव जोळ्यो तोसोत तुमरेमा भी जोळे बाकीन हिमी तोक रुक देदा.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 6:23

काहाकि पापोन दाहाळकी ते मोत छे बाकीन परमेश्वरोन वरदान आपना प्रभू येसु मसिहमा ओमोर जीवन छे.

1 कुरीन्थियो 9:17

काहाकि कोबी मारी मोर्जीसी यो कोरो ती दाहाळकी मेसेक जोळतली छे, एने कोदि मारी मोर्जीसी नी कोरतू, तीबी पुढारीपोन मेसेक सोपाय गोयलो छे.

1 कुरीन्थियो 9:18

ती मारी कानली दाहाळकी छे? यो कि वारली खोबर सोमवाळने मा मे मसिहन वारली खोबर साते एकमेक कोर दोम, न्या तोक कि वारली खोबरमा जू मारू होक छे तीनाक भी मे पुरा रितीसी कामोमा नी लावो.

1 थिस्सलुनीकियो 2:19

वारलो आमरी आस एने खुशी एने बोढाईन मुकुट काय छे? काय आमरा प्रभू येसुन सामने तेरो आवनेन टेमे तुमु बी रोये.

1 तीमथी 4:16

तुमरी एने तुमरा प्रचारन तोपास कोर. इनू वातो पोर एक जागे रोय, काहाकि अगर ओसू कोरतू रोयीस ती तू तारा एने तारा सोमोवने वावान कोरता बी छुटकारान वोजा होयसे.