योहान 4:23 - बारेली पावरी

²³ बाकीन ची टेम आव लागी, एने हिमी बी छे, जीनामा खोरला भोक्ती कोरणे वावान बासोन आराधना आत्मा एने खोराइसी कोरसे, काहाकि बास तेरेन कोरता ओसोच भोक्ती कोरणे वावा काजे हेरतलु छे.

योहान 4:23 ပူးပေါင်းရင်းမြစ်များ

योहान 1:17

इनान कोरता कि नियम शास्त्र ते मुसान लारे आपायलो छे, बाकीन मोंग एने खोरलो येसु मसिहन लारे पूगी.

योहान 12:23

इनापोरसी येसु तीनु काजे कोयू, ची टेम आव लागली छे कि माणसोन पुऱ्यान महिमा होये.

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

योहान 16:32

देखू, ची टेम आवे नीती आवीन पुगली छे कि तुमु आखा वेरवायीन आपनी-आपनी वाट धोर लेसे, एने मेसेक एखलु छुळ देसे; तीबी मे एखलु नि काहाकि बास मारे पुठी छे.”

योहान 4:21

येसु तिनी काजे कोयू, “हे पूराय, मारा वातोन भुरसू कोर कि टेम आव रोयी कि तुमु नि ते इना बोयळा पोर बासोन आराधना कोरसू, नि ती यरुशलेममा.”

योहान 5:25

मे तुमु काजे छाचलीन-छाचलीन कोयो ची टेम आव रोयी, एने हिमी छे, जीनामा मोरला परमेश्वरोन पुऱ्यान बुल सोमोवसे, एने जे सोमोवसे चे जीवसे.

योहान 5:28

इनामा नोवलायी मा कोरु; काहाकि ची टेम आवे कि जोतरा मोळवाट्यामा छे चे तेरो बुल सोमवीन निकवी आवसे.

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

रोमी 8:26

इना रितीसी आत्मासी आमरी कोमजूरीमा मदत कोरतेलू छे; काहाकि आमु काजे नी मालूम कि प्रार्थना काहना रितीसी कोरणो जुवे, बाकीन आत्मा खुद ओसो काहीन यो जोवाबोन बारथे आमरेन कोरता विनता कोरतेलू छे;

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

इफिसीयो 6:18

हर टेमे एने हर भातीसी आत्मान प्रार्थना, एने विनता कोरता रोयू कि आखा चुखला माणसोन कोरता जागता रोये कि आखा पवित्र माणसोन कोरता लगातार विनता कोऱ्या कोरु.

फिलिप्पि 3:3

काहाकि सुंता वावा ते आमुत छे जी परमेश्वरोन आत्मान ओगवाईसी आराधना कोरतेला, एने मसिह येसु पोर मोटाय कोरतेला छे, एने डीलोपोर भुरसू नी कोरतेला.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.