5 येसु जोवाब आप्यू, मे तुमुक छाचलीन-छाचलीन कोयो कि जेतार तोक कुदू माणूस पाणी एने आत्मासी नि जन्म होये ती चू परमेश्वरोन राजमा जाय नि सोकतलु.
एने कोयू, “मे तुमु काजे छाचलीन कोयो कि जेतार तोक तुमु नि बोदले एने नानला पुऱ्यान तोसा नि बोने, तुमु सोरगोन राजमा नि जाय सोके.”
तुमु काजे एने कोयो कि परमेश्वरोन राजमा मालदार जाणो उटळान सुयीन नाकोमा गोथो निकवीन जाणो सोपो छे.”
इना दुयोमा गोथू कून बासोन मोर्जी पुरी कोऱ्यु? चे कोया पेहेलू, येसु तीनु काजे कोयू मे तुमु काजे छाचलीन कोय कि फावू लेणे वावा एने वेश्या तुमरे गोथा पेहेले परमेश्वरोन राजमा जातला छे.
इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.
मे पाणी कोरीन तुमुक मोन फिरावने बाप्तिस्मा आपतलु, बाकीन जू मारे बादमा आवने वावु छे चू मार गोथा ताकत वावू छे; तेरा चाट्या चूटनेन बी लायक नि होय, चू तुमुक पवित्र आत्मा एने आगठासी बाप्तिस्मा आपसे.
काहाकि मी तुमु काजे कोयो, कि कोदि तुमरी धारमिकता, पुजारा एने फरुशीन धारमिकतासी बोडीन नि रोये, ती सोरगोन राजोमा कोबी जाता नी आवळे.
येसु यो देख्यू रीसवायीन तीनु काजे कोयू, “पुऱ्या काजे मारेंचा आवने देयू एने तीनु काजे मोना मा कोरू, काहाकि परमेश्वरोन राज ओसला जून छे.
जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.
जेतार तारू डूवू तुसेक ठूकर खावाळे ती तीना काजे निकाव दे आन्द्वू होयीन बी परमेश्वरोन राजमा जाणेन कोरता तारे जुगू वारू छे कि दुय डूवा होयीन बी तू नोरोगमा नाखाय जाणे.
“साकेळला झोपलामा गोथा जानेन कोशिश कोरु, काहाकि मे तुमु काजे कोयो कि घोन सोवटा जानेन कोरसे, एने नि जाय सोके.”
मे तुमु काजे कोयो कि नी बाकीन अगर तुमु मोन नि फिरावे ती तुमु आखा बी इना रितीसी नाश होय जासू.
मे तुमु काजे कोयो कि नी; बाकीन अगर तुमु मोन नि फिरावे ती तुमु आखा बी इना रितीसी नाश होय जासू.”
चे ते नि लुयसी, नि डीलोन मोर्जीसी, नि माणसोन मोर्जीसी, बाकीन परमेश्वरोनचा गोथो पोयदा होयलो छे.
येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”
निकदेम तीनाक कोयू, “माणूस जेतार डूकरू होय गोयू, ती कोसू जन्म होय सोकतलू? काय चू आपना आशोन कुखोमा दुसरे कावार जन्म होय सोकतलु?”
पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”
इनान कोरता पश्चताप कोरु एने पोसा फिरू कि तुमरा पापे ढाकाय जाय जीनासी कि प्रभू परमेश्वरोन सामने सुख आरामोन दाहळा आवसे.
काहाकि परमेश्वरोन राज खाणा-पिनान नि होय, बाकीन धोरमी एने हिव मेवीन एने जो खुशीमा छे जू पवित्र आत्मासी रोयतलु.
काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.
हे भाशो, मे यो कोय कि मास एने लुय परमेश्वरोन राज्योन अधिकारी नी होय सोकतला, एने नाश वावू अधिकारीन अविनाशीन अधिकारी होय सोकतलु छे.
बाकीन आमु जोगोन आत्मा नी, बाकीन ची आत्मा ली लेदला छे जी परमेश्वर भूनी गोथी छे कि आमु तिनी वातो काजे जानजे, जू परमेश्वर आमुक आपलु छे.
एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.
काहाकि सुंता एने नी सुंता होयला काहीन छे, बाकीन नोवली कोव.
कि तीनु काजे वचनोन लारे पाणीसी चुखो कोरीन पवित्र बोनावू.
एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.
तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.
जोर तुमु जानता होसे कि होया धोरमी छे, ती यो बी जानता होसे कि जू कुदू धोरमोन काम कोरतेलु छे चू हीनासी पोयदा होयलू छे.
जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.