योहान 3:34 - बारेली पावरी

³⁴ काहाकि जीनाक परमेश्वर मूकललु छे, चू परमेश्वरोन वाते कोयतेलु काहाकि चू आत्मा माप-मापीन नि आपतलु.

योहान 3:34 ပူးပေါင်းရင်းမြစ်များ

मत्ती 12:18

“देखू, यु मारू सेवक छे, जिनाक मे नेवाळलु छे, मारू मोंगावू, जीनासी मे खुश छे मे मारी आत्मा तीना काजे आपीस, एने चू दिसरा जातीन नियावोन वारली खोबर कोयसे.”

लुका 4:18

“प्रभून आत्मा मार पोर छे इनान कोरता कि चू गरीब काजे वारली खोबर सोमवाळनेन कोरता मारू अभिषेक कोरलु छे, एने मेसेक इनान कोरता मुकेल्लू छे कि बोंदी वावा काजे छुटकारान एने आंदवा काजे नोजोर मेवाळणेन वारली खोबरोन प्रचार कोरो एने छेंदायला काजे छुळावू,

योहान 1:16

काहाकि तेरी पूर्णता मा गोथू आमु आखा ली लेदला छे मतलब आशिष पोर आशिष.

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

योहान 16:7

ते बी मे तुमु काजे छाचलीन कोयो कि मारो जाणो तुमरेन कोरता वारलो छे, काहाकि ओगर मे नी जाम ती चू मदतगार तुमरे साते नि आवे; बाकीन मे जाश, ती तीनाक तुमरेन कोरता मुकलीस.

योहान 3:17

परमेश्वर तेरा पुऱ्या काजे जोगोमा इनान कोरता नि मूकल्यु कि जोगो पोर दोंडोन आग्या आपे बाकीन एरेन कोरता कि कोवजुग तेरे लारे छुटकारू ली लेये,

योहान 5:26

काहाकि जिना रितीसी बास आपना खुदोमा जीवन राखतलू छे, तीना रितीसी चू पुऱ्या काजे बी यु होक आपलु छे कि आपना खुदोमा जीवन राखे;

योहान 7:16

येसु तीनुक जोवाब आप्यू, “मारू संदेश मारू नि होय, बाकीन मेसेक मुकलने वावान छे.

योहान 8:40

बाकीन हिमी तुमु मार सारखा माणसोक मारणे कोरतेला यु तुमुक खोरलो वचन देखाळतलू जो परमेश्वर जू सोमवतलु; ओसो ते अब्राहाम नी कोयु.

योहान 8:47

जो परमेश्वर भूनी रोयतलो, चो परमेश्वरोन वाते सोमवतलू; एने तुमु इनान कोरीन नि सोमवतला कि परमेश्वर भूनी गोथो नि होय.”

प्रेषित 1:2

तिने दाहळे तोक जेतार चू तीनु सेवक काजे जीनुक चू नेवाळलु होतु पवित्र आत्मान लारे आग्या

प्रेषित 10:38

परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

कुलुस्सि 1:19

काहाकि परमेश्वरोन खुशी इनामा छे कि तीनामा आखो पुरो-पुरो रोये.

कुलुस्सि 2:9

काहाकि तीनामा परमेश्वर आखी पुरो एने पाको कायम रोयतली छे.

प्रकाशित वाक्य 21:6

पोछु चू मेसे काजे कोयू, “जे वाते पुरा होय गोयला छे मे सूरवात एने आखरी पेहेलु एने शेवटलु छे, मे तीसला काजे जीवनोन पाणीन झोरोमा गोथू सेंतमेंत पिवाडीस.

प्रकाशित वाक्य 22:1

एने चू मेसेक बिल्लौर सारखो झोलोगतलो, जीवनोन पाणीन नोदी देखाळ्यू, जो परमेश्वर एने गाडरान सिहासनसी निकवीन.