योहान 3:3 - बारेली पावरी

³ येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

योहान 3:3 ပူးပေါင်းရင်းမြစ်များ

मत्ती 16:17

येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”

मत्ती 19:24

तुमु काजे एने कोयो कि परमेश्वरोन राजमा मालदार जाणो उटळान सुयीन नाकोमा गोथो निकवीन जाणो सोपो छे.”

मत्ती 21:31

इना दुयोमा गोथू कून बासोन मोर्जी पुरी कोऱ्यु? चे कोया पेहेलू, येसु तीनु काजे कोयू मे तुमु काजे छाचलीन कोय कि फावू लेणे वावा एने वेश्या तुमरे गोथा पेहेले परमेश्वरोन राजमा जातला छे.

मत्ती 5:18

काहाकि मे तुमु काजे छाचलीन कोयो, कि जेतार तोक सोरग एने धोरती ढोव नि जाय तेत्यार तोक नियम शास्त्रामा गोथो एक मातरू या एक टिंबु बी बीना पुरू होये नि टोवे.

मरकुस 10:14

येसु यो देख्यू रीसवायीन तीनु काजे कोयू, “पुऱ्या काजे मारेंचा आवने देयू एने तीनु काजे मोना मा कोरू, काहाकि परमेश्वरोन राज ओसला जून छे.

मरकुस 9:47

जेतार तारू डूवू तुसेक ठूकर खावाळे ती तीना काजे निकाव दे आन्द्वू होयीन बी परमेश्वरोन राजमा जाणेन कोरता तारे जुगू वारू छे कि दुय डूवा होयीन बी तू नोरोगमा नाखाय जाणे.

योहान 1:13

चे ते नि लुयसी, नि डीलोन मोर्जीसी, नि माणसोन मोर्जीसी, बाकीन परमेश्वरोनचा गोथो पोयदा होयलो छे.

योहान 1:5

विजावो आंदारलामा चोमोकोतलो छे, एने आंदारलो तीनाक स्वीकार नि कोऱ्या

योहान 1:51

एने तीना काजे कोयू, “मे तुसे काजे छाचलीन-छाचलीन कोयो कि तुमु सोरग काजे उगळलो, एने परमेश्वरोन सोरग दूतो काजे माणसोन पुऱ्या पोर उतरतेलो एने उपोर जातलो देखसु.”

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

योहान 3:4

निकदेम तीनाक कोयू, “माणूस जेतार डूकरू होय गोयू, ती कोसू जन्म होय सोकतलू? काय चू आपना आशोन कुखोमा दुसरे कावार जन्म होय सोकतलु?”

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

गलातियों 6:15

काहाकि सुंता एने नी सुंता होयला काहीन छे, बाकीन नोवली कोव.

इफिसीयो 2:1

चू तुमु काजे बी जीवाळ्यु, जे आपना गुणा एने पापोन कोरता मोरला होता.

तीतुस 3:5

ती चू आमरू छुटकारू कोऱ्यु एने यो धोरमन कामोन वोजेसे नि, जो आमु खुद कोरला, बाकीन दयान अनसारे नोवला जन्मोन उंगेवनो एने पवित्र आत्मान आमु नोवलान बोनावनेण लारे होये.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 योहान 2:29

जोर तुमु जानता होसे कि होया धोरमी छे, ती यो बी जानता होसे कि जू कुदू धोरमोन काम कोरतेलु छे चू हीनासी पोयदा होयलू छे.

1 योहान 3:9

जू कुदु परमेश्वरोनचा गोथू पोयदा होयलू छे चू पाप नी कोरतेलू; काहाकि तेरो बीज तेरेमा बोनीन रोयतलो, एने चू पाप कोरी नी सोकतलु काहाकि परमेश्वरोनचा गोथू पोयदा होयलु छे.

1 योहान 5:1

जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.

1 योहान 5:18

आपनु जानजे कि जो काय परमेश्वर सी बोनलो छे, चू पाप नि कोरतेलु; बाकीन जो कुदू परमेश्वर सी बोनलो से तीनाक चू वाचाळीन राकतेलु; एने चू भुतडू तीनाक छिम नि सोके.

1 योहान 5:4

काहाकि जो काय परमेश्वर जू गोथो बोनलो छे, चू जोगो पोर जय हासील कोरे; एने चू विजय जीनासी जोगो पोर जय हासील कोरला छे, आमरू भुरसू छे.

प्रकाशित वाक्य 3:14

लौदीकियान मंडव्यान दूतो काजे यो लिख, “जो आमेन एने भुरसान लायक एने खोरलो गोवा छे, एने परमेश्वरोन कोवीन खास वोजा छे, चू यो कोये कि