योहान 3:2 - बारेली पावरी

² चू राती येसुनचा आवीन तीना काजे कोयू, “हे रब्बी, आमु जानतला कि तू परमेश्वरोनचा गोथू गुरु बोनीन आव रोयू, काहाकि कुदू इना चमत्कार काजे जो तू देखाळलु, ओगर परमेश्वर तिना पुठी नि होय ती नि देखाळ सोकतलु.”

योहान 3:2 ပူးပေါင်းရင်းမြစ်များ

मत्ती 22:16

ओवतेन चे आपना चेलानुक हेरोदोन हाते येसुनचा यो कोयने मुकल्या कि, “हे गुरु, आमु जानतेला कि तू खोरलु छे, एने परमेश्वरोन वात खोरला रितीसी सीखाळतलु, एने कुदान पोरवा नी कोरतेलू, काहाकि तू माणसोन मूय देखीन वाते नी कोरतेलू.”

मत्ती 23:7

हाटोमा नमस्कार एने माणसोमा गुरुजी कोवाळनो तीनुक गोवतेलो.

मत्ती 23:8

बाकीन तुमु गुरुजी झुन कोयता, काहाकि तुमरू एकुत गुरु छे, एने तुमु आखा भाश छे.

मरकुस 12:14

चे आवीन येसु काजे कोया, “हे गुरु, आमु जानतेला छे, कि तू खोरलू छे, एने कुदान पोरवाय नि कोरतेलू; काहाकि तू माणसोन मूय देखीन वाते नि कोरतेलू, बाकीन परमेश्वरोन वाट देखाळतेलू छे ती काय केसरोन कोरजू आपने सही छे कि नि,

योहान 1:38

येसु फिरीन तीनुक पोछोव आवतेला देख्यू एने तीनुक कोयू, “तुमु कुनीन हेरोमा छे?” चे तीना काजे कोया, “हे रब्बी (मतलब हे गुरु), तू का रोयतलु?”

योहान 10:38

बाकीन ओगर मे कोरो, ती भोले मार पोर भुरसू मा कोरु, बाकीन तीना कामोन ते भुरसू कोरु, काहाकि तुमु जाणे एने सोमजे कि बास मारेमा छे एने मे बासोमा छे.

योहान 12:37

चू तिंदरे सामने चमत्कार देखाळ्यू, ते बी चे तिना पोर भुरसू नि कोऱ्या;.

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 15:24

कोदि मे तिंदरेमा जो काम नि कोरतु जो एने कुदु नि कोऱ्या, ती चे पापी नि ठेरायता; बाकीन हिमी ते चे मेसेक एने मारू बास दुयू काजे देख्या एने दुयू पुठी दुष्मोनी कोऱ्या.

योहान 2:11

येसु गलीलोन कानामा तेरो यो पेहेलो चमत्कार देखाळीन तेरी महिमा कोराव लेदू एने तेरा चेला तीना पोर भुरसू कोऱ्या.

योहान 20:16

येसु तिनी काजे कोयू, “मरीयम” ची पोछि फिरीन तीना काजे इब्रानिमा कोयी, “रब्बूनि” मतलब “हे गुरु.”

योहान 3:26

एने चे योहानोनचा आवीन तीना काजे कोया, “हे रब्बी यु माणूस यरदन नोंदीन पोले धोळे तारे साते होतु, एने जेरी तू गोवायी आपलु देख, चू बाप्तिस्मा आपतलु, एने आखा तेरेनचा आवतेला.”

योहान 4:31

तिंदरे इचमा चेला येसु काजे जी विनता कोऱ्या, “हे रब्बी, काहीन खायले.”

योहान 5:36

बाकीन मार जुवू जी गोवायी छे ची योहानोन गोवायी गोथी मोटी छे; काहाकि जो काम बास मेसेक पुरो कोरने आपलो छे, मतलब योत काम जो मी कोरतेलु छे, चे मारा गोवाह छे कि बास मेसेक मुकललु छे, चू मारी गोवायी आपलु छे.

योहान 6:2

एने एक मोटी भीळ तेरे पोछोव होय गोयी काहाकि जे मोटला काम चू मांदला पोर देखाळतू होतु तीना काजे देखता होता.

योहान 7:31

ते बी भीळ मायला जुदा माणसे तीना पोर भुरसू कोऱ्या, एने कोयने बाज गोया, “मसिह जेतार आवसे ती काय एरे गोथा मोटला चमत्कार देखाळसे.”

योहान 9:16

इनापोरसी कहाना फरुशी कोयने बाज गोया, “यु माणूस परमेश्वर तोरोफसी नि होय, काहाकि चू शब्बाथोन दाहळू नि मानतलु” दिसरा कोया, “पापी माणूस ओसला चमत्कार कोसु देखाळसोके?” आखरी तीनुमा फुट पोड गोयी.

प्रेषित 10:38

परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.

प्रेषित 2:22

हे मारा दोस्त इस्राईल जे वाते सोमवू, कि येसु नासरी माणूस होतु, जेरो परमेश्वरोनचा गोथू होयनेन सोबूत तीना ताकत वावा काम एने मोटला कामोन, एने निशाणीसी देखाळ देदू एने परमेश्वर तुमरे बिचमा तेरे लारे कोरीन देखाळ्यू, जीना काजे तुमु खुद जानतेला छे.

फिलिप्पि 1:14

एने प्रभूमा जे भाशे छे, तीनुमा गोथा लोकेत मारे बंदी होयनेन वजेसी हिंमत धोरीन परमेश्वरोन वचन बिंदास सोमवनेन होर कोरतेला.