योहान 3:18 - बारेली पावरी

¹⁸ जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 3:18 ပူးပေါင်းရင်းမြစ်များ

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 20:31

बाकीन जे इनान कोरता लिखाय गोयला छे कि तुमु भुरसू कोरे कि येसु परमेश्वरोन पुऱ्यु मसिह छे, एने भुरसू कोरीन हेरे नावोसी जीवन लेये.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

रोमी 5:1

आखरी, जेतार आमु भुरसासी धोरमी ठेराया, ती आपना प्रभू येसु मसिहन लारे परमेश्वर साते मेव राखे.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

रोमी 8:34

ती कून छे दोंडोन आग्या आपसे? येसु मसिह छे जू मोर गोयू, एने मोरलामा गोथू जीव उठ्यू एने परमेश्वरोन जेवळे धोळे छे एने आमरेन कोरीन मध्यस्ती बी कोर रोयू.

इब्रानियो 12:25

सावधान रोयू एने तीना बुलने वावान इनकार मा कोरु काहाकि जेतार चे माणसे धोरती पोर चेतावनी आपनेवावान नी सामने सारखा वाच जाय ती सोरगोमा गोथी चेतावनी आवने वावान नी सोमवला सारका कोरीन कोदि बी नी वाच सोके.

इब्रानियो 2:3

ती आमु महान छुटकारान निश्‍चिन्त रोयीन कोसा वाचसू? एने जेरी चर्चा आखान पेहेले प्रभून लारे होई, एने तेरी वाते सोमवने वावान लारे आमु काजे खातरी होई.

इब्रानियो 3:19

आखरी आपनु देखतला कि बिना भुरसान कोरता चे भोराय नी सोक्या.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:9

जो मोंग परमेश्वर आमरेपोर कोरलु छे, जो इनामा प्रकट होयो कि परमेश्वर तेरा एकुत पुऱ्या काजे जोगोमा मुकल्या, कि आमु तेरे लारे जीवन हासील कोरजे.

1 योहान 5:10

जे परमेश्वरोन पुऱ्या पोर भुरसू कोरे चु आपनेमा गोवायी राखतला, जे परमेश्वर पोर भुरसू नि कोऱ्या तीनुक चू झुटू ठेरावलू छे काहाकि चे तिनी गोवायी पोर भुरसू नि कोऱ्या जो परमेश्वर तेरा पुऱ्यान बारामा गोवायी आपलु से.

1 योहान 5:12

जिंदरे जु येसु छे तिंदरे जु जीवन छे, एने जिंदरे जु परमेश्वरोन पुऱ्यु नि होय तिंदरे जु जीवन बी नि होय.