योहान 3:16 - बारेली पावरी

¹⁶ काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:16 ပူးပေါင်းရင်းမြစ်များ

मत्ती 9:13

इनान कोरता तुमु जायीन एरू मतलब सिक लेवू मे बलिदान नि बाकीन दया मांगतलु काहाकि मे धोरमीन कोरता नि, बाकीन पापी काजे बुलावने आवलु छे.”

मरकुस 12:6

हिमी एकुत रोय गोयू होतु, जू तेरू मोंगावू पुऱ्यु होतु; आखिर चू तीना काजे बी तिंदरेनचा ओसो विचार कोरीन मूकल्यु कि चे मारा पुऱ्यान आदर कोरसे.

लुका 2:14

“सोरगोमा परमेश्वरोन महिमा एने धोरती पोर जीना माणसोमा चु खुश छे, शांती होये.”

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 1:29

दिसरे दाहळे चू येसु काजे आपने भूनी आवतेलु देखीन कोयू, “देखू, यु परमेश्वरोन गाडरो छे जू जोगोन पाप उचलीन लीजात रोयतलु छे.

योहान 10:28

एने मे तीनु काजे ओमोर जीवन आपलो छे चे कोबी नाश नि होये, एने कुदु तीनुक मारा हातोमा गोथो हापकीन नि लीजाय.

योहान 3:15

काहाकि जू कुदू इनापोर भुरसू कोरे तीनाक ओमोर जीवन जोळसे.

योहान 3:18

जू कुदू तेरे पोर भुरसू कोरे तेरे पोर दोंडोन आग्या नि होये, बाकीन जो तेरे पोर भुरसू नि कोरे चू गुणावू ठेराय गोयलु छे एरेन कोरता कि चू परमेश्वरोन पुऱ्यान नाव पोर भुरसू नि कोऱ्या.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

रोमी 5:10

काहाकि दुष्मोन होयनेन हालोत तेरा पुऱ्यान मोरनोन लारे आमरू मेव परमेश्वर साते होयू, ती चो ओवी मेव होय जाणे पोर तेरे जीवनोन लारे आमुक छुटकारू काहा नी जोळे?

रोमी 5:8

बाकीन परमेश्वर आमरेपोर आपना मोंगोन भोलाई इना रितीसी प्रगट कोरतेलू कि जेतार आमु पापीत होता तेत्यार मसिह आमरेन कोरीन मोऱ्यु.

रोमी 8:32

जू आपना एखलु पुऱ्या काजे बी नी छुळ्यु बाकीन तिना काजे आपने आखान कोरीन आप देदु चू तेरे साते आमु काजे एने आखा काजे आखो काहीन बी आपे?

इफिसीयो 2:4

बाकीन परमेश्वर जू दयान मालिक छे, आपना तिना मोटला मोंगोन वजेसी जीनामा चू आमरेपोर मोंग कोऱ्यु.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

तीतुस 3:4

बाकीन जेतार आमु छुटकारू आपनेवावा परमेश्वरोन दया एने माणसो पोर तेरो मोंग प्रकट होयो.

इब्रानियो 2:9

बाकीन आमु तीना काजे मतलब येसु काजे जू थुलाक टेमोन कोरीन सोरग दूतो सी कोम कोराय गोयू, मोरोनोन दुख हाकेलनेन कोरीन महिमा एने आदरोन मुकुट पेहेरलु देखला, काहाकि परमेश्वरोन मोंगसी चू आखान मोरोनोन चव चाखे.

1 योहान 3:1

देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,