योहान 3:15 - बारेली पावरी

¹⁵ काहाकि जू कुदू इनापोर भुरसू कोरे तीनाक ओमोर जीवन जोळसे.

योहान 3:15 ပူးပေါင်းရင်းမြစ်များ

मत्ती 18:10

“देखू, तुमु इना नानलामा गोथू कुदा काजे बी वीटरावो नि सोमजनो; काहाकि मे तुमु काजे कोयो कि सोरगोमा तेरा दूते मारा सोरगोन बासोन मूय हमेशा देखतेला छे,”

मत्ती 25:46

एने जे ओमोरकाई दोंड भुगसे, बाकीन धोरमी ओमोर जीवनोमा जासे.’”

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

लुका 19:10

काहाकि माणसोन पुऱ्यु खुवायला काजे हेरने एने तिंदरो छुटकारू कोरणे आवलु छे.”

योहान 1:12

बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

योहान 20:31

बाकीन जे इनान कोरता लिखाय गोयला छे कि तुमु भुरसू कोरे कि येसु परमेश्वरोन पुऱ्यु मसिह छे, एने भुरसू कोरीन हेरे नावोसी जीवन लेये.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 3:36

जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

योहान 6:27

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

योहान 6:40

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

प्रेषित 13:41

हे बुराई कोरणे वावा देखू नोवलाय कोरु एने नाश होय जावू काहाकि मे तुमरा दाहळामा एक काम कोर रोयू चो काम ओसो कि, जो कुदू तुमु काजे वात कोयने से तीना पोर तुमु भुरसू नि मेके.

प्रेषित 8:36

वाटे चालता-चालता चे एक पाणीन जागा पोर पुग गोया तेत्यार ग्यानी कोयू, “देख चा पाणी छे, हिमी मेसेक बाप्तिस्मा लेनेमा काय रुकावट नि होय.”

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

1 कुरीन्थियो 1:18

काहाकि ख्रुसोन काहणी नाश होयने वावान कोरता बिना दिमाकोन छे, बाकीन आपनु छुटकारू आपनेवावान कोरीन परमेश्वरोन ताकत छे.

2 कुरीन्थियो 4:3

बाकीन ओगर आमरा वारली खोबर प्रचार पोर पोरदु मेकायलु छे ती यो नाश होयने वावा पोर पोळलो छे.

गलातियों 2:16

ते बी यो सोमजीन कि माणूस नियम शास्त्रान कामोसी नी पुन निस्तु येसु मसिह पोर भुरसू कोरणेन लारे धोरमी गीनायतेलु छे, आमु ते खुद भी येसु मसिह पोर भुरसू कोरणेसी धोरमी ठेहऱ्या; इनान कोरता नियम शास्त्रान कामोसी कुदू प्राणी धोरमी नी ठेराये.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इब्रानियो 10:39

बाकीन आमु छेटा होयने वावा नि होय कि आमु नाश होय जाय, बाकीन भुरसू कोरणे वावा छे कि जीव काजे वाचाळे.

इब्रानियो 7:25

आखरी, जू तेरे लारे परमेश्वर साते आवतेला चू तिंदरो पुरो-पुरो छुटकारू कोरनेन ताकत छे काहाकि चू तिंदरेन कोरता निवेदन कोरणे हमेशा जीवतलु होये,

1 योहान 2:25

एने जिंदरी होयू आमरे कोरता वायदू कोऱ्यु, होयो ओमोर जीवनोन छे.

1 योहान 5:1

जिंदरु यु भुरसू छे कि येसु मसिह छे, चू परमेश्वरोनचा गोथू बोनलु छे; एने जू कुदू बोनावने वावासी मोंग कोरतेलू, चू तेरो पोर बी मोंग कोरतेलू, जू तिना जुव गोथू बोनलू छे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.