योहान 2:19 - बारेली पावरी

¹⁹ येसु तीनुक जवाब आप्यू, “इना मंदीर काजे पाळ देवू, एने मे इनाक तीन दाहळामा उभो कोर दिस.”

योहान 2:19 ပူးပေါင်းရင်းမြစ်များ

मत्ती 12:40

योना तीन रात तीन दाहळा माछान पेटोमा रोयू, तोसुच माणसोन पुऱ्यु तीन रात तीन दाहळा धोरतीन माहिय रोयसे.

मत्ती 16:21

तिनी टेमे येसु आपना चेला काजे कोयने बाज गोयू, “जरूरी छे कि मे यरुशलेममा जाईस, एने डाय-डायान एने डायलु पुजारान, एने शास्त्रीन हाते लोकेत दुख सोहोन कोरे; एने माराय जाश; एने तिसरे दाहळे जीव उठीस.”

मत्ती 27:40

एने जे कोयता होता, “हे मंदीर काजे ढावने वावू एने तीन दाहळामा बोनावने वावू, आपना खुदो काजे ते वाचाड! ओगर तू परमेश्वरोन पुऱ्यु छे, ती ख्रुस पोर गोथू उतोर जा.”

मत्ती 27:63

“हे माहाराज, आमुक फोम छे कि चू बुलावने वावू जीवतू होतु कोयलु होतु, मे तीन दाहळान ओवतेन जीव उठीस.

मरकुस 14:58

“कि आमु इना काजे यो कोयतेलु सोमवला छे, कि मे इना हातोन बोनावला मंदीर काजे पाळ दिस, एने तीन दाहळामा दिसरो बोनावीस, जो हातसी नि बोनलो होय.”

मरकुस 15:29

एने वाटे जान्या मुनको हालवी-हालवीन एने यो कोयीन तेरी बुराई कोरता होता, “वाह, मंदीर काजे तूळने वावू, एने तीन दाहळामा बोनावने वावू!.

मरकुस 8:31

एने तेत्यार चू तीनु काजे भोनावने बाज गोयू कि माणसोन पुऱ्यान कोरता जोरुरी छे कि चू घोनो दुख उठावसे, एने डाह-डाहा एने प्रधान पुजारू, एने शास्त्री चे तीनाक विटाव सोमजीन मार देसे, एने चू तीन दाहळान ओवतेन जीवतु होयसे.

योहान 11:25

येसु तिनी काजे कोयू, “पोछु जीव उठनो एने जीवन मेत छे; जू कुदु मार पोर भुरसू कोरतेलू छे अगर चू मोरी बी जाय ती जीवसे,

योहान 5:19

इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

प्रेषित 2:24

बाकीन तीना काजे परमेश्वर मोरनेमा गोथो बंधनमा गोथू बुलाळीन जीवाळ्यु, काहाकि यो होयने वावू होतो कि चू तेरे ताबामा रोयतू.

प्रेषित 2:32

इनात येसुक परमेश्वर जीवाळ्यु जीनाक आमु आखा गोवा छे.

प्रेषित 3:15

बाकीन जीवन आपनेवावा काजे मार देदा, जीना काजे परमेश्वर मोरलामा गोथू जीवाळ्यु जे आमु गोवा छे.

प्रेषित 3:26

परमेश्वर तुमरेन कोरता सेवक काजे जीवाळीन तीनाक पेहेले तुमरेनचा मूकल्यु कि तुमरे माईन आखाक आशिष आपे एने बुराईमा गोथा वाचाडीन आशिष आपे.

प्रेषित 6:14

काहाकि आमु इना काजे यो कोयतेला सोमवला छे कि येसु नासरी इना काजे पाळ देसे एने इनी रिती काजे बोदल देसे जो मुसा आपनु काजे सोपलू छे.”

रोमी 4:24

बाकीन आमरेन कोरता बी जीनुन कोरता भुरसू धोरमी गीनाय गोयू एने आमरेन कोरता जू तेरे पोर भुरसू कोरतेला जू आमरा प्रभू येसु काजे मोरलामा गोथू जीवाळ्यु,

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

रोमी 8:11

अगर काहनासोन आत्मा जू येसु मसिह काजे मोरलामा गोथू जीवाळ्यु चू तुमरा नाश होयने वावा डीलो काजे बी आपना आत्मान लारे जू तुमरेमा बोस रोयू जीवाळसे.

1 कुरीन्थियो 15:12

इनान कोरता जेतार कि मसिहन प्रचार कोराय जातलो छे कि चू मोरलामा गोथू जीव उठ्यू, ती तुमरेमा गोथा कोतरा कोसा कोयतेला छे कि मोरलान पोछो उठनो होयीत नि?

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.