योहान 19:11 - बारेली पावरी

¹¹ येसु जोवाब आप्यू, “कोदि तुसेक उपोर गोथू नि आपाय जातु, ती तारो मार पोर काय होक नि रोयतू; इनान कोरता जू मेसेक तारे हातोमा धोरावलु छे तेरो पाप जादा छे.”

योहान 19:11 ပူးပေါင်းရင်းမြစ်များ

मत्ती 26:65

इनापोरसी महायाजक आपना छिंदरा फाळीन कोयु, “जू परमेश्वरोन बुराई कोरलु छे, हिमी आमुक गोवायीन काय जरुरत छे? देखू तुमु हिमी जी बुराई सोमवला छे.

मत्ती 27:2

जे तीना काजे बांद्या एने लीजायीन पिलात सुभेदारोन हातोमा सोप देदा.

मत्ती 6:13

एने आमु काजे परीक्षामा मा लावे, बाकीन बुराईसी वाचाड; काहाकि राज एने पराक्रम एने महिमा हमेशा तारीत छे’ आमेन.”

मरकुस 14:44

तीना काजे धोरावने वावू तीनु काजे यु पोतू आपलु होतु कि जीना काजे मे गुवू दोम होयु छे, तिनाक धोरीन सोमावीन ली जाजू.

लुका 22:53

जेतार मे मंदीरमा दाहळीन तुमरे साते होतु, ती तुमु मारे पोर हात नि नाख्या; बाकीन जी तुमरी टेम छे, एने अंधकारोन होक छे.”

योहान 18:13

एने पेहेले हिना काजे हन्ना जुव ली आया, काहाकि चू तीना सालोन महायाजक कैफान सेसरुस होतु.

योहान 18:3

तेत्यार यहुदा, सिपायळान एक टूवा काजे एने प्रधान पुजारू एने फरुशीनचा गोथो तिंदरा कामगार काजे लीन, दिवा काजे एने चिमण्या एने हत्यार काजे लीन चा आव्यु.

योहान 19:10

इनापोरसी पिलात तीना काजे कोयू, “मारे पुठी काहा नि बुलतू? काय तू नि जानतू तुसेक छुळनेन होक मेसेक छे, एने तुसेक ख्रुस पोर चोळावनेन बी मेसेक होक छे.”

योहान 3:27

योहान जवाब आप्यू, “जेतार तोक माणसो काजे सोरगोमा गोथो नि आपाये, तेत्यार तोक तीनाक काय नी जोळ सोकतलो.”

योहान 7:30

इनापोरसी चे तीनाक धोरावने हिंड्या, ते बी कुदू तीना पोर हात नि नाख्या काहाकि तेरु टेम हिमी तोक नि आवलु होतु.

योहान 9:41

येसु तीनु काजे कोयू, “कोदि तुमु आंदवा छे ती पापी नि ठेराये; बाकीन जेतार कोयतेला कि आमु देखतला छे, इनान कोरता तुमरो पाप बोनला रोयतलो छे.”

प्रेषित 2:23

तिना येसु काजे जू परमेश्वरोन ठेरावलु योजना एने पेहेली ग्यानोन अनसारे धोराय गोयू तुमु अधोरमीन हातोसी ख्रुस पोर चोळावीन मार देदा.

प्रेषित 3:13

अब्राहाम इसाहाक एने याकुबोन परमेश्वर आमरे डाहा डाहान परमेश्वर आपना सेवक येसुन बोढाई कोऱ्यु जीना काजे तुमु धोराव देदा एने जेतार पिलात तीनाक छुळ देनेन ठेराव कोऱ्यु ती तुमु तेरे सामने तीनाक स्वीकार नि कोऱ्या.

प्रेषित 4:28

कि जो काय पेहेले गोथो तारा ताकत एने योजनामा ठेरावलो होतो.

रोमी 11:36

काहाकि तिनानचा गोथो, एने तिनान लारे, एने तिनान कोरता आखो काहीन छे तेरी महिमा कायम होयती रोयसे. आमेन.

रोमी 13:1

हर एक जोणु सरकारी अधिकारीन अधीन रोयू, काहाकि काहनु अधिकारी ओसू नी होय जू परमेश्वर भूनी गोथू नी होय; एने जे होक छे, चे परमेश्वरोन ठेरावलु छे.

याकुब 1:17

काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.

याकुब 4:17

तेरेन कोरता जू कुदु वारलो कोरनो जाणे एने नि कोरतेला, तेरेन कोरता पाप छे.