योहान 18:32 - बारेली पावरी

³² यो इनान कोरता होयो कि येसुन ची वाट पुरी होय जाय जी चू यो इशारू आपतू जायीन कोयलु होतु कि हेरो मोरोन कोसो होयसे.

योहान 18:32 ပူးပေါင်းရင်းမြစ်များ

मत्ती 20:19

एने तिनाक दिसरा जात्यान हातोमा सोपसे कि चे तिनान मोजाक उळावसे, एने चाबका देसे, एने ख्रुस पोर चोळावसे, एने चू तिसरे दाहळे जीवाळाय जासे.

मत्ती 26:2

“तुमुक मालूम छे कि दुय दाहळामा वोलांडोनोन तीहीवार छे एने माणसोन पुऱ्यु ख्रुस पोर चोळवाय जाणे कोरीन धोरवाय जासे.”

मरकुस 10:33

“देखू, आमु यरुशलेममा जाने बाज रोया, एने माणसोन पुऱ्यु प्रधान पुजारान एने शास्त्रीन हाते धोरवाय जासे, एने चे तीना काजे घात कोरनेन सही ठेरावसे, एने दिसरा जातीन हातोमा आप देसे.

योहान 10:31

यहुदि तीना पोर दोगळा देनेन कोरता पोछा दोगळा चुट्या.

योहान 10:33

यहुदि माणसे जोवाब आप्या, “वारला कामोन कोरता आमु तार पोर दोगळा नि देता बाकीन परमेश्वरोन बुराई कोरनेन वोजेसी; एने इनान कोरता कि तू माणूस होयीन तू खुदो काजे परमेश्वर बोनावतलु.”

योहान 13:18

मे तुमुक आखान बारामा नि कोयतू; जीनुक मी नेवाळ देदलु छे, तीनुक मे उवखतलु; बाकीन चू इनान कोरता छे कि पवित्र शास्त्रान यो वचन पुरो होये; यु मारू रुटू खादला, चे मार पोर लात देखाळे.

योहान 18:31

पिलात तीनु काजे कोयू, “तुमु इना काजे लीजायीन आपना नियम शास्त्रान नुसार येरु नियाव कोरु” यहुदि तीना काजे कोया, “आमु काजे होक नि होय कि कुदान जीव लेजे.”

योहान 21:19

चू इनी वातो पोर इशारू कोऱ्यु कि पतरस ओसला मोरनेसी परमेश्वरोन महिमा कोरसे एने तेत्यार चू तीना काजे कोयू, “मार पोछोव आतरोय”.

योहान 3:14

एने जिना रितीसी मुसा बोयळामा घोळसा काजे उपोर चोळाव्यू, इनी रितीसी जोरुरी छे कि माणसोन पुऱ्यु उचला पोर चोळाय जाय;

योहान 8:28

तेत्यार येसु कोयू, “जेतार तुमु माणसोन पुऱ्याक उचला पोर चोळावसे, ती जानसु कि मे चू छे; मे आपना खुदो काजे काहीन नि कोरतु बाकीन जोसू मारू बास मेसेक सोमवाळ्यु तोसोत जे वाते कोय रोयू.

प्रेषित 7:59

चे स्तेफन काजे दोगळा देता, होता एने चू यो कोयीन प्रार्थना कोरतू रोयू, “हे प्रभू येसु मारी आत्मा काजे स्वीकार कोर.”

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”