योहान 17:6 - बारेली पावरी

⁶ “मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”

योहान 17:6 ပူးပေါင်းရင်းမြစ်များ

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 12:28

हे बासो तार नावोन महिमा कोर तेत्यार जो सोरग वाणी होई, “मे तारी महिमा कोरलु छे, एने ओवी बी कोरिस.”

योहान 15:19

ओगर तुमु जोगोन रोयता, ती जोग आपनेसी मोंग कोरतू; बाकीन इनान कोरता कि तुमु जोगोन नि होय, बाकीन मे ते तुमुक जोगोमा गोथू नेवाळ लेदलु छे, इनान कोरता जोग तुमरे पोर दुष्मोनी कोरतेला छे.

योहान 15:3

तुमु ते इना वचनोन वोजेसी जो मे तुमु काजे कोयलु छे, चुखो होय.

योहान 15:7

ओगर तुमु मारेमा जूळायीन रोये एने मारो वचन तुमरेमा बोनीन रोये, ती जो जुवे मांगु एने चो तुमरेन कोरता होय जासे.

योहान 17:12

जेतार मे हिंदरे पुठी होतु, ती मे तारा तीना नावोसी, जो तू मेसेक आपलु छे तिनान राखवावी कोऱ्यु. मी तेरी पुस-पास कोऱ्यु, एने नाशोन पुऱ्या काजे छुळीन तिंदरेमा गोथू मोटलु नाश नी होय, इनान कोरता कि पवित्र शास्त्रामा जो कोवाय गोयलो चो पुरो होये.

योहान 17:14

मे तारो वचन तीनुक पुगाळ देदलु छे; एने जोग तिंदरे पोर दुष्मोनी कोऱ्यु, काहाकि जोसो मे जोगोन नि होय, तोसाच चे बी जोगोन नि होय.

योहान 17:16

जोसू मी जोगोन नि होय, तोसात चे बी जोगोन नि होय.

योहान 17:2

काहाकि तू तिना काजे आखा जोनावर पोर होक आप्यू, कि जीनुक चू तीनुक आपलु छे तीनु आखा काजे ओमोर जीवन आपे.

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 17:26

“मी तारो नाव तीनु काजे कोयू एने कोयतू रोयीस जो मोंग तुसेक मार पोर होतो चो तिंदरेमा रोये, एने मे तिंदरेमा रोयो.”

योहान 17:7

हिमी चे जान गोयला छे कि जो काहीन तू मेसेक आपलु छे चो आखो तारे जुव गोथो छे;.

योहान 18:9

यो एरेन कोरता होयो कि चो वचन पुरो होय जाय यो चू कोयलु होतु “जीनुक तू मेसेक आपलु तीनुमा गोथू मे एकाक बि नी खुव्यू.”

योहान 6:37

जो काहीन बास मेसेक आपतलु छे चो आखो मारेनचा आवसे, एने जू कुदू मारेनचा आवसे तीना काजे मे कोबी बी नी निकावो.

योहान 6:39

एने मेसेक मुकलनेन वावान मोर्जी जी छे कि जो काय चू मेसेक आपलु छे, तीनामा गोथू मे काय नि खाम, बाकीन तीनाक आखरी दाहळे पोछु जीव उठाळीस.

योहान 8:51

मी तुमु काजे छाचलीन-छाचलीन कोय कि “ओगर कुदू माणूस मारा वचनोपोर चालतलु, ती चू ओमोर काव तोक मोत नि देखे.”

योहान 8:52

यहुदि तीना काजे कोया, “हिमी जान लेदा कि तारेमा भुंडली आत्मा छे अब्राहाम मोर गोयू, एने भविष्य कोरता बी मोर गोयला छे; एने तू कोयतलू, ओगर कुदु मारा वचन पोर चालतलु चू मोतन सोवाद नि चाखे.”

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

रोमी 11:2

परमेश्वर आपनी इनी प्रजा काजे नी छुळ्यु, जीनुक चू पेहेलेन जान रोयू, काय तुमु नी जानतला कि पवित्र शास्त्र एलियान बारामा काय कोयतेला, कि इस्राईलोन खिलापमा परमेश्वर काजे विनता कोरतेलु?

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

2 तीमथी 1:13

जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक.

इब्रानियो 2:12

चू कोयतलु, “मे मारा भाशोमा तारा नावोन प्रचार कोरिस; आखान इचमा मे तारा नावोन स्तुती गावीस.”

इब्रानियो 3:6

बाकीन मसिह ते पुऱ्यान रुपमा परमेश्वरोन घोरोमा अधिकारी छे, एने तेरो घोर आमु छे ओगर आमु आपना धीरोन एने आसोन मोटाय काजे आखरी तोक पाका रोये.

1 पतरस 1:1

पतरसोनचा गोथू जू येसु मसिहन प्रेषितो छे, तीनु पोरदेशीन नाव जो पुन्तुस, गलातिन, कप्पदूकिया, आसिया एने बिथुनीयामा तितर बितोर होईन रोयला छे,

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”