योहान 17:4 - बारेली पावरी

⁴ जो काम तू मेसेक कोरणे कोरीन आपलु होतु, तीनाक पुरो कोरीन मे कोवीमा तारी महिमा कोरलु छे.

योहान 17:4 ပူးပေါင်းရင်းမြစ်များ

लुका 22:37

काहाकि मे तुमुक कोयो, कि यो लिखलो से, चू अधोरमी साते गीनाय गोयू, तेरो मारेमा पुरो होयनो गरजोन छे, काहाकि मारे बारामा वाते पुरी होयने पोर छे.

योहान 12:28

हे बासो तार नावोन महिमा कोर तेत्यार जो सोरग वाणी होई, “मे तारी महिमा कोरलु छे, एने ओवी बी कोरिस.”

योहान 14:13

जो काय तुमु मारे नावोसी मांगे, चोत मे कोरिस कि पुऱ्यान लारे बासोन महिमा होये.

योहान 14:31

बाकीन यो इनान कोरता होय रोयो कि जोग जाणे कि मे बासोपोर मोंग कोरतेलू छे, एने जोसो बास मेसेक आग्या आपलु मे तोसोच कोरतेलू छे. उठू, न्या गोथा जाता.

योहान 15:10

कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

योहान 19:28

इनान ओवतेन येसु यो जानीन कि हिमी आखो पुरो होय गोयलो छे, इनान कोरता कि पवित्र शास्त्रमा जो कोवाय गोयलो चो पुरो होये, कोयू, “मे तीसलु छे.”

योहान 19:30

जेतार येसु चो आंब पीदू, ती कोयू, “पुरो होयो” एने मुनको नेचो कोरीन जीव छुळ देदु.

योहान 4:34

येसु तीनु काजे कोयू, “मारो खाणो यो छे कि मेसेक मुकलने वावान मोर्जीन अनसारे चालो एने तेरो काम पुरो कोरो.

योहान 5:36

बाकीन मार जुवू जी गोवायी छे ची योहानोन गोवायी गोथी मोटी छे; काहाकि जो काम बास मेसेक पुरो कोरने आपलो छे, मतलब योत काम जो मी कोरतेलु छे, चे मारा गोवाह छे कि बास मेसेक मुकललु छे, चू मारी गोवायी आपलु छे.

योहान 9:3

येसु जोवाब आप्यू, “नि ते यु पाप कोरलु होतु, नि एरा आसी-बासा; बाकीन यु इनान कोरता होयू कि परमेश्वरोन काम इनामा होये.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

2 तीमथी 4:7

मे वारली कुस्ती लोळ लेदलु छे, मे मारी लोळाय पुरी कोर लेदलु छे भुरसान मुवावी कोरलु छे.