योहान 17:25 - बारेली पावरी

²⁵ हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 17:25 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 16:16

शिमोन पतरस जोवाब आप्यू, “तू जीवतला परमेश्वरोन पुऱ्यु मसिह छे.”

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 10:15

जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

योहान 16:27

काहाकि बास ते खुद तुमरे पोर मोंग कोरतेलु, इनान कोरता कि तुमु मार पोर मोंग कोरतेला छे एने यो बी भुरसू कोरला छे कि मे बासो जुव गोथू आवलु.

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

योहान 16:30

हिमी आमु जान गोयला छे कि तू आखो काय जानतलु छे, एने तेरी गोरोज नि होय कि कुदु तुसेक काहीन पुछे; इनासी आमु भुरसू कोरतेला छे कि तू परमेश्वरोनचा गोथू आवलु छे.”

योहान 17:11

मे हिमी जोगोमा नि रोयो, बाकीन जे जोगोमा रोयसे, एने मे तारेनचा आवो हे चुखलु बास, आपना तीना नावोसी जो तू मेसेक आपलु छे तीनुक सोमाव कि चे आमरेन तोसा एक होये.

योहान 17:18

जोसू तू मेसेक जोगमा मूकल्यु, तोसुच मे बी हिनु काजे जोगमा मूकल्यु;.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

योहान 17:23

मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

योहान 3:17

परमेश्वर तेरा पुऱ्या काजे जोगोमा इनान कोरता नि मूकल्यु कि जोगो पोर दोंडोन आग्या आपे बाकीन एरेन कोरता कि कोवजुग तेरे लारे छुटकारू ली लेये,

योहान 6:19

जेतार चे चालाळता-चालाळता तीन-च्यार मिलोन लगभग निकवी गोया, तेत्यार येसु काजे दोरीया पोर चालतलु एने ढोंड्यान साते आवतेलु देख्या, एने बिह गोया.

योहान 7:29

मी तीनाक जानतलु छे काहाकि मे तेरे जुवू गोथू छे एने चू मेसे मुकेललु छे.”

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

योहान 8:55

तुमु ते तीनाक नि जानतला बाकीन मे ते तीनाक जानतलु ओगर मी कोय कि मी तीनाक नि जानतलु ती मे तुमरेन तोसु झुटू ठेरायीस; बाकीन मे तीनाक जानतलु एने तेरा वचनोपोर चालतलु.

प्रेषित 17:23

काहाकि मे फिरतू जायीन आखी तुमरी पूजनेन चीजे देख रोयू होतु ती एक ओसी वेदी बी देख्यू जीना पोर लिखलो छे; ओनजान परमेश्वरोन कोरता इनान कोरता जीनाक तुमु बिना ओनजाण्यान पूजा कोरे, मी तुमु काजे तेरी वारली खोबर सोमवाळतलु.”

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

रोमी 3:11

कुदू सोमोजदार नी होय, कुदू परमेश्वर काजे हेरने वावू नी होय,

रोमी 3:26

बाकीन इना टेमोमा तेरी धारमिकतान सामने होये जेरेसी चू खुद धोरमी ठेरे एने जू येसु पोर भुरसू कोरे तेरो बी धोरमी ठेरने वावू होये.

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

1 कुरीन्थियो 15:34

धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 थिस्सलुनीकियो 1:8

एने जे परमेश्वरोक नि उवेखतला एने आमरा प्रभू येसुन वारली खोबर नि मानतला तिंदरो हिसाब लेसे.

इब्रानियो 8:11

तीनुमा गोथा कुदू आपनो देस वासी काजे जी शिक्षा नी आपे एने नी आपनो भाश काजे कोये ‘प्रभू काजे उवोख काहाकि नानला गोथा मोटला तोक आखा मेसे काजे उवखसे.’

1 योहान 1:9

कोदि आमु आपना खुदोन पापो काजे मान लेयू ती चू आमरा पापो काजे माफ कोरणे एने आमुक आखा अधोरमीमा गोथो चुखो कोरनेमा विश्वासयोग्य एने धोरमी छे.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 16:5

तेत्यार मे पाणीन सोरग दूतो काजे यो कोयतेला सोमव्यू, “हे चुखला, जू छे एने जू होतु, तू नियाव कोरन्यू छे एने तू यो नियाव कोरलु छे.