योहान 17:24 - बारेली पावरी

²⁴ हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 17:24 ပူးပေါင်းရင်းမြစ်များ

मत्ती 25:21

तेरु माहाराज तिना काजे कोयू, “सोयावा वारला एने भुरसान लायक पावोर, तू थुलाकमा भुरसान लायक रोयू; मे तुसेक घोणा सोवटा चीजोन अधिकारी बोनावीस, आपना महाराजोन खुशीमा सहभागी होय जा.”

मत्ती 25:23

तेरु माहाराज तीनाक कोयू, ‘सोयावा छे, वारला एने भुरसान लायोक दास, तु थुलाक भुरसान लायोक रोयू; मे तुसेक घोणा सोवटा चिजोन अधिकारी बोनावीस आपना महाराजोन खुशीमा सहभागी होय जा.’”

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मत्ती 26:29

मे तुमु काजे छाचलीन कोयो कि आंगुरोन जू रोस तिने दाहळे तोक नि पियो जेतार तोक तुमरे साते मारा बासोन राजमा नोवलो नि पियो.”

लुका 12:37

सोयावा छे जे दास जीनुक मालिक आवीन जागतला देखे; मे तुमु काजे छाचलीन कोयो कि चू कोळ्यो बांदीन तीनुक खाणो खाणे बोसाळसे, एने साते आवीन तिंदरा सेवा कोरसे.

लुका 23:43

ती चु तीनाक कोयू, “मी तुसेक छाचलीन कोयो कि तू आजुत तू मारे पुठी सोरग लोकमा रोयीस.”

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 12:26

ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

योहान 14:3

एने ओगर मी जायीन तुमरेन कोरता जागू तीयार कोरो, ती पोछु आवीन तुमु काजे मारेंचा लीन जायीस कि जा मी रोयीस चा तुमु बी रोये.

योहान 15:9

जोसू बास मार पोर मोंग कोरलु, तोसुच मे तुमरे पोर मोंग कोरलु; मारा मोंगमा जुळाय रोयू.

योहान 17:2

काहाकि तू तिना काजे आखा जोनावर पोर होक आप्यू, कि जीनुक चू तीनुक आपलु छे तीनु आखा काजे ओमोर जीवन आपे.

योहान 17:22

ची महिमा जी तू मेसेक आपलु ची मे हिनुक आपलु छे, कि चे तोसाच एक होये जोसा कि आमु एक छे,

योहान 17:5

हिमी हे बासो, तू आपने साते मारी महिमा तिनी महिमासी कोर जो जोगोन कोवोन पेहेले, मारी तारे साते होती.”

योहान 6:37

जो काहीन बास मेसेक आपतलु छे चो आखो मारेनचा आवसे, एने जू कुदू मारेनचा आवसे तीना काजे मे कोबी बी नी निकावो.

योहान 6:39

एने मेसेक मुकलनेन वावान मोर्जी जी छे कि जो काय चू मेसेक आपलु छे, तीनामा गोथू मे काय नि खाम, बाकीन तीनाक आखरी दाहळे पोछु जीव उठाळीस.

योहान 8:58

येसु तीनु काजे कोयू, “मी तुमु काजे छाचलीन-छाचलीन कोयो, कि अब्राहामन पेहेले, मी छे.”

1 कुरीन्थियो 13:12

हिमी आपनु आरसामा झिंजवायलो देखायतलो; बाकीन तिनी टेमे आमने सामने देखसे; इने टेमे मारो ग्यान आदलो छे, बाकीन तिनी टेमे ओसो पुरी रितीसी उवखती जोसू मे उवखाय गोयलु छे.

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

2 कुरीन्थियो 5:8

इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला.

फिलिप्पि 1:23

काहाकि मे दुयोन इचमा लोटकी रोयू; मोन ते कोरे कि काहीन कोरीन मसिहनचा जायीन रोयो, काहाकि यो जुदो वारू छे.

1 थिस्सलुनीकियो 4:17

तेत्यार आमु जे जीवतला एने वाचीन रोयसु तिंदरे साते वादवा पोर चुटाय जासु कि हवामा प्रभू काजे भेटसे; एने इना रितीसी आमु सोदा प्रभून साते रोयसु.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

प्रकाशित वाक्य 21:22

मे हेरो काहनलो मंदीर नि देख्यू, काहाकि आखा गोथू ताकत वावू प्रभू परमेश्वर एने गाडरो हेरो मंदीर छे.

प्रकाशित वाक्य 3:21

जो जय हासील कोरे, मे तीनाक मारे पुठी मारा सिहासन पोर बोसाळीस, जोसू मे बी जय हासील कोरीन मारा बासो पुठी तेरा सिहासन पोर बोठ गोयू.