योहान 17:23 - बारेली पावरी

²³ मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.

योहान 17:23 ပူးပေါင်းရင်းမြစ်များ

योहान 10:38

बाकीन ओगर मे कोरो, ती भोले मार पोर भुरसू मा कोरु, बाकीन तीना कामोन ते भुरसू कोरु, काहाकि तुमु जाणे एने सोमजे कि बास मारेमा छे एने मे बासोमा छे.

योहान 13:35

ओगर आपोसमा मोंग कोरसू, ती इनासी आखा सोमजी जासू कि तुमु मारा चेला छे.

योहान 14:10

काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

योहान 15:9

जोसू बास मार पोर मोंग कोरलु, तोसुच मे तुमरे पोर मोंग कोरलु; मारा मोंगमा जुळाय रोयू.

योहान 16:27

काहाकि बास ते खुद तुमरे पोर मोंग कोरतेलु, इनान कोरता कि तुमु मार पोर मोंग कोरतेला छे एने यो बी भुरसू कोरला छे कि मे बासो जुव गोथू आवलु.

योहान 17:11

मे हिमी जोगोमा नि रोयो, बाकीन जे जोगोमा रोयसे, एने मे तारेनचा आवो हे चुखलु बास, आपना तीना नावोसी जो तू मेसेक आपलु छे तीनुक सोमाव कि चे आमरेन तोसा एक होये.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 17:26

“मी तारो नाव तीनु काजे कोयू एने कोयतू रोयीस जो मोंग तुसेक मार पोर होतो चो तिंदरेमा रोये, एने मे तिंदरेमा रोयो.”

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

योहान 3:17

परमेश्वर तेरा पुऱ्या काजे जोगोमा इनान कोरता नि मूकल्यु कि जोगो पोर दोंडोन आग्या आपे बाकीन एरेन कोरता कि कोवजुग तेरे लारे छुटकारू ली लेये,

योहान 6:56

जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

फिलिप्पि 3:15

आपना गोथा जोतरा तीयार कोरला छे योत विचार राखे, एने ओगर काहणी वातोमा तुमरू ओवी दिसरू बी विचार होय ती परमेश्वर तीना काजे तुमरे पोर प्रगट कोर देसे.

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 3:14

इना आखान उपोर मोंगोक जू पुरा बंधन छे, बांध देवू.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

1 योहान 3:1

देखू, बास आमरेपोर कोसो मोंग कोरतेलू छे कि आमु परमेश्वरोन पुऱ्या कोवायजे; एने आमु छे बी इनान कोरता जोग आमुक नी उवख्यू.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.

प्रकाशित वाक्य 3:9

“देख, मे भुतडान तीनु स्वभाव वावानुक काजे तारा ताबामा कोर दिस जे यहुदि बोनीन बोसला छे, बाकीन होय नी तेत्यार झूट बुलतला छे-देख, मे ओसो कोरिस कि चे आवीन तारा पायो पोर पोळसे, एने यो जान लेसे कि मे तुमरे पोर मोंग कोरलु छे.