योहान 16:22 - बारेली पावरी

²² तिना रितीसी तुमुक बी हिमी ते दुख छे, बाकीन मे तुमुक ओवी भेटीस एने तुमरा मोने खुशीसी भोराय जासे; एने तुमरी खुशी कुदु तुमरे जुव गोथू हापकी नि लेये.

योहान 16:22 ပူးပေါင်းရင်းမြစ်များ

मत्ती 28:8

चे बिक एने मोटली खुशी साते कबरमा गोथा निकवीन तेरा चेला काजे खोबर कोयने दोवळीन गोया.

लुका 10:42

बाकीन एक वात जोरुरी छे, एने तिना वारला वाटाकाजे मरीया नेवाळ लेदली छे जो तिनी जुव गोथो हापकाये नी.”

लुका 16:25

बाकीन अब्राहाम कोयू, हे पुऱ्या, फोम कोर कि तू तारा जीवनोमा वारला चीजे ली लेदलु छे, एने तोसोत लाजर भुंडली चीजे बाकीन हिमी चू या शांतीमा रोयू, एने तू फोपळने बाज रोयू.

लुका 19:26

मे तुमु काजे कोय कि जिना जुव छे, तीना काजे आपाय जासे; एने जीना जूव नि होय तीना जुव चो बी तेर जुव छे मांगाय जासे.

लुका 24:41

तेत्यार खुशीन मारे चे भुरसू नी कोऱ्या. एने चे नोवलायी कोरता होता, ती चू तीनुक पुछु, “काय न्या तुमरे जुवू काहीन खाणो छे?”

योहान 14:1

तुमरो मोन कासावीस नि होये; परमेश्वर पोर भुरसू कोरु एने मार पोर बी भुरसू कोरु.

योहान 14:19

एने थुलिक टेम रोय गोयली छे कि ओवी संसार मेसेक नि देखे, बाकीन तुमु मेसेक देखसु, इनान कोरता कि मे जीवतलु छे, तुमु बी जीवतला रोयसू.

योहान 14:27

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

योहान 16:16

“थुलिक वारमा तुमु मेसेक नि देखे, एने ओवी थुलिक वारमा मेसेक देखसु.”

योहान 16:20

मे तुमु काजे छाचलीन-छाचलीन कोयो कि तुमु रोडसु एने दुख कोरसू, बाकीन जोग खुशी कोरसे; तुमुक दुख होयसे, बाकीन तुमरो दुख खुशीमा बदल जासे.

योहान 16:6

बाकीन मे ये वाते तुमु काजे कोयलु छे, इनान कोरता तुमरा मोने दुखसी भोराय गोयला छे.

योहान 21:7

हिमी तीनुक चेला जीना पोर येसु मोंग कोरतू होतु, पतरस काजे कोयू, “यु ते प्रभू छे!” शिमोन पतरस यो सोमवीन चू प्रभू छे, कोड्यामा डोगलो हापकीन बांध लेदू, काहाकि चू उगाळलु होतु, एने दोरीयामा कुदु पोळ्यु.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

प्रेषित 13:52

एने चेला खुशीसी पवित्र आत्मासी पुरा-पुरा होयता गोया.

प्रेषित 16:25

आदी रातोन टेमे पौलुस एने सिलास प्रार्थना कोरता जायीन परमेश्वरोन भजन गावता होता एने कैदि तिंदरो सोमवी रोया होता.

प्रेषित 2:46

चे एक मोन लागाळीन दाहळीन मंदीरमा जाता होता एने घोर-घोर सूट खाता जायन खुशी एने मोनोसी एखठा खाणो भांगीन खाता रोयता होता.

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

2 कुरीन्थियो 6:10

दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

इब्रानियो 10:34

काहाकि तुमु बंदी इंदरे साते मोंग देखाळ्या एने आपनी मालमत्ता काजे कोबजामा कोर लेनेन यो सोमजीन खुद कोबूल कोऱ्या कि तुमरे जुव ओवी बी ज्यादा खुशी कोर लेनेन यो सोमजीन खुद कोबूल कोऱ्या कि तुमरे जुव एने बी जादा वारली एने टीकनेवावी संपत्ती छे.

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

1 पतरस 1:8

तेरेसी तुमु बीना देखे मोंग राखतला छे, एने हिमी ते तिना पोर बिगुर देखीन भी भुरसू कोरीन ओसा खुशीमा एने मगन होतु जू कोयनेन बारथे एने महिमासी भोरलु छे;