योहान 15:8 - बारेली पावरी

⁸ मारा बासोन महिमा इनासी होयतेली छे कि तुमु घोनो सोवटो फोव लावे, तेत्यारुत तुमु मारा चेला ठरसु.

योहान 15:8 ပူးပေါင်းရင်းမြစ်များ

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

मत्ती 5:44

बाकीन मे तुमु काजे यो कोय कि आपना दुष्मोन पोर मोंग कोरजू एने आपनुक तोकलीत आपनेवावान कोरता प्रार्थना कोरु,

मत्ती 9:8

माणसे यो देखीन नोवलाय गोया एने परमेश्वरोन महिमा कोरणे बाज गोया जू माणसो काजे यु होक आपलु छे.

लुका 6:35

बाकीन तुमरा दुष्मोन पोर मोंग कोरु, एने वारलो कोरु, एने ओवी पोछो जोळनेन आस नि राखीन उदार आपु; एने तुमरेन कोरता मोटलो फोव रोयसे, एने तुमु परमप्रधानोन पुऱ्या रोयसू, काहाकि चू तिंदरे पोर जु धन्यवाद नी कोरतेला एने बुरो कोरणे वावा पोर बी दयावू छे.

योहान 13:35

ओगर आपोसमा मोंग कोरसू, ती इनासी आखा सोमजी जासू कि तुमु मारा चेला छे.

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

योहान 8:31

तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

1 कुरीन्थियो 10:31

इनान कोरता तुमु चाहे ती खावू, पिवू, जो जुवे चो कोरु, आखो काय परमेश्वरोन महिमान कोरता कोरु.

1 कुरीन्थियो 6:20

काहाकि दाम आपीन मुले लेवाय गोयला छे, इनान कोरता आपना डीलोन लारे परमेश्वरोन महिमा कोरु.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

तीतुस 2:10

चुरी चालाकी नि कोरे, पुन आखा भातीन पुरा विश्वासी जुवे कि चे आखा वातोमा आमरा छुटकारू आपनेवावा परमेश्वरोन प्रचार शोभा बोढावु.

तीतुस 2:5

एने सोयावी, चुखली बायर घोरोन कारभार देखणे वावी, वारली एने आपना-आपना ओदमीन कोयामा रोयने वावी रोये, काहाकि परमेश्वरोन वचनोन बुराई होयनो नि जुवे.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.