योहान 15:5 - बारेली पावरी

⁵ मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

योहान 15:5 ပူးပေါင်းရင်းမြစ်များ

मत्ती 13:21

बाकीन आपनेमा मुवा नी राखनेण वोजेसी चो इतराक दाहळान छे, एने जेतार वचनोन वोजेसी दुख एने सोंकोट होयतेलो छे, ती तेत्यारुत ठूकर खातला छे.

योहान 12:24

मी तुमु काजे छाचलीन-छाचलीन कोयो, कि जेतार तोक गोहून दाना धोरतीमा पोळीन मोरे नि, चू एखलु रोयतलु; बाकीन जेतार मोर जातलू ती लोके फोव लावतलू.

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 5:19

इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

योहान 9:33

कोदि यु माणूस परमेश्वर जूव गोथू नि रोयतु, ती कायबी नि कोर सोकतू.”

प्रेषित 4:12

काहनास दिसरान लारे छुटकारू नी होय काहाकि सोरगोन तोवे एने माणसोमा दिसरो नाव नी आपायलो छे जिनान लारे आमुक छुटकारू जोळे.

रोमी 12:5

तोसोत आपनु जे लोकेत जोना छे, मसिहमा एक डील बोनीन आपोसमा एक दिसरा वाटू छे.

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

रोमी 7:4

तोसोत हे मारा भाशो, तुमु बी येसु मसिहन डीलोन लारे शास्त्रनियमोन कोरीन मोरला बोन गोया कि तिना दिसरान होय जाय, जू मोरलामा गोथू जीव उठ्यू; काहाकि आपु परमेश्वरोन कोरीन फोव लावे.

1 कुरीन्थियो 10:16

चे धन्यवादन वाटको जीना पोर आपनु धन्यवाद कोरतेला काय येसुन लुयोन सहभागीता नी होय? चू रुटू जिना काजे आपनु भांगतेला काय चो येसु मसिहन डीलोन सोहोभागीता नी होय?

1 कुरीन्थियो 12:12

काहाकि जिना रितीसी डील ते एक छे एने तेरा भागे लोकेत छे, एने तिना डीलोन आखा भागे लोकेत होयने पोर बी आखा मेवीन एकुत डील छे, तिना रितीसी मसिह बी छे.

1 कुरीन्थियो 12:27

इनान कोरता तुमु आखा मेवीन मसिहन डीले छे एने ओलोग-ओलोग तेरा डीले छे.

2 कुरीन्थियो 13:8

काहाकि आमु खोरलायीन खिलापमा काय नी कोर सोकतला, बाकीन खोरलायीन कोरता कोर सोकतला छे.

2 कुरीन्थियो 9:10

आखरी चू वेरणे वावा काजे बीज एने खाणान कोरता रुटू आपलु छे, चू तुमु काजे बीज आपसे, एने तीना काजे फोव लागाळसे; एने धोरमोन फोवो काजे बोढावसे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

इफिसीयो 5:9

काहाकि विजावान फोव आखा भातीन भोलाई एने धारमिकता एने खोरलो छे.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

फिलिप्पि 4:13

जू मेसे काजे ताकत आपतलु छे तीनामा मे सोब काय कोर सोकतलु.

फिलिप्पि 4:17

यो नी कि मेसेक दान जुवे बाकीन मेसेक ओसो फोव जुवे जो तुमरा फायदान कोरता बोढतो जाय.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

याकुब 1:17

काहाकि होर एक वारलो वरदान एने होर एक वारलो दान उपोर गोथो छे, एने विजावान बासोनचा गोथो जूळतलो छे, जीनामा नि ओदोल बोदोल होयनेन वोजेह हीनापोर सहावू पोळतेलु छे.

1 पतरस 2:4

तेरेनचा आवीन, जीना काजे माणसे रीकामू कोयतेला बाकीन परमेश्वरोन साते नेवाळलु छे एने मोहेंगलु जीवतलु दोगळू छे,

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.