योहान 15:4 - बारेली पावरी

⁴ तुमु मारेमा जुळायीन रोयू, एने मे तुमरेमा जोसी डावी आंगुरोन वेलामा जुळायीन नि रोये ती आपना खुदोसी नि फोव सोकतली, तोसोच तुमु बी कोबी मारेमा जुळायीन नि रोये ती नि फोव सोकतला.

योहान 15:4 ပူးပေါင်းရင်းမြစ်များ

मत्ती 12:33

“ओगर झाडोक वारलो कोये, ती तेरा फोव काजे वारला कोयू, नि ती रिकामो कोयू, काहाकि झाड आपना फोव सी उखाये.”

लुका 8:15

बाकीन वारली जागा मायला ये चे छे, जे वचन सोमवीन वारू एने घोनो वारू आपना मोनोमा सोमावीन राखतला एने धीर धोरीन फोवे लावतेला छे.

योहान 14:20

तिने दाहळे तुमु सोमजी जासू कि मी मारा बासोमा छे, एने तुमु मारेमा, एने मे तुमरेमा.

योहान 17:23

मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.

योहान 6:56

जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.

योहान 8:31

तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

2 कुरीन्थियो 13:5

आपना खुदो काजे पारखू कि भुरसामा होय कि नी होय. आपना खुदजे पारखू, काय तुमु आपना बारामा यो नी जानतला कि येसु मसिह तुमरेमा छे? नीती तुमु पारखमा बिन कामोन निकवला छे.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 2:6

आखरी जोसा तुमु येसु मसिह काजे प्रभू कोरीन मान लेदा तोसोत तीनामा चालता रोयू.

1 थिस्सलुनीकियो 3:5

इना वोजेसी जेतार मेसे काजे एने नि रोवायो, ती तुमरा भुरसान हाल जाननेन कोरीन मुकल्या, कि कोदि ओसो नी होये कि पारख कोरणे वावू तुमरो पारख कोरलु छे, एने आमरी मेहनत वायबार होय जाय.

इब्रानियो 10:39

बाकीन आमु छेटा होयने वावा नि होय कि आमु नाश होय जाय, बाकीन भुरसू कोरणे वावा छे कि जीव काजे वाचाळे.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.