योहान 15:16 - बारेली पावरी

¹⁶ तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 15:16 ပူးပေါင်းရင်းမြစ်များ

मत्ती 21:22

एने जो काहीन तुमु प्रार्थनामा विस्वाससी मांगे चो आखो तुमु काजे जोळसे.’”

मत्ती 7:7

“मांगु ती तुमुक आपायसे; हेरु ती तुमुक जोळसे; ठूकु ती तुमरेन कोरीन उगळी जासे.

लुका 6:13

जेतार दाहळू उग्यु ती चू तेरा चेला काजे बुलावीन तीनामा गोथा बारा जोना काजे नेवाळ्यू, एने तीनु काजे प्रेषित कोयू.

योहान 13:18

मे तुमुक आखान बारामा नि कोयतू; जीनुक मी नेवाळ देदलु छे, तीनुक मे उवखतलु; बाकीन चू इनान कोरता छे कि पवित्र शास्त्रान यो वचन पुरो होये; यु मारू रुटू खादला, चे मार पोर लात देखाळे.

योहान 15:19

ओगर तुमु जोगोन रोयता, ती जोग आपनेसी मोंग कोरतू; बाकीन इनान कोरता कि तुमु जोगोन नि होय, बाकीन मे ते तुमुक जोगोमा गोथू नेवाळ लेदलु छे, इनान कोरता जोग तुमरे पोर दुष्मोनी कोरतेला छे.

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

योहान 6:70

येसु तीनुक जोवाब आप्यू, “काय मे तुमु बारा जोना काजे नि नेवाळ्यू? ते बी तुमरेमा गोथू एक जोन भुतडू छे.”

प्रेषित 1:24

एने जी प्रार्थना कोऱ्या, “हे प्रभू, तू जे आखान मोन जानतलु छे, यो देखाळ कि इनू दुय जोनामा तू कुनी काजे नेवाळलु छे,

प्रेषित 1:8

बाकीन जेतार पवित्र आत्मा तुमरे पोर आवसे तेत्यार तुमुक ताकत जोळसे; एने यरुशलेम एने आखा यहुदियामा, एने सामरिया, एने धोरतीन जोगोन धोळे तोक मारा गोवा बोनसू.

प्रेषित 10:41

आखा माणसो पोर नि बाकीन इना गोवापोर जीनुक परमेश्वर पेहेलेसी नेवाळ लेदलु छे कि यु चू छे जीनाक परमेश्वर जीवतान एने मोरलामा गोथू जीव उठनेन ओवतेन तेरे-पुठी खादा पिदा.

प्रेषित 22:14

एने चू कोयू आमरा डाह डाहान परमेश्वर तुसे काजे इनान कोरता नेवाळलु छे कि तू तिनान मोर्जी काजे सोमजे, तिना धोरमी काजे देखे एने तेरे मुखोसी तेरी वाते सोमवे,

प्रेषित 9:15

बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”

रोमी 1:13

हे भाशो मेसेक ओसो लागे कि तुमु इनासी ओनजानला रोयू कि मे घोळी-घोळी तुमरेनचा आवनेन कोऱ्यु कि जोसो मेसे काजे दिसरा जातीमा फोव जोळ्यो तोसोत तुमरेमा भी जोळे बाकीन हिमी तोक रुक देदा.

रोमी 1:5

तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,

रोमी 15:4

जोतरा वाते पेहेलेत लिखाय गोया, जी आमरेत भोननेन कोरता लिखाय गोयो कि आमु धीर एने पवित्र शास्त्रान प्रोत्साहन लारे आस राखे.

रोमी 9:21

“काय कुमायडाक काजे धुवापोर होक नी होय कि एक धुवाम गोथो एक ठाहरो आदर कोरणे कोरता, एने दिसरा काजे अपमान कोरणे कोरता बोनावे?”

1 कुरीन्थियो 10:11

बाकीन जे आखा वाते जी तिंदरे पोर पोळी दाहळान रिती पोर होती; एने ची आपनी चेतावनीन कोरता संसारोन आखरी टेमोमा रोयनेन टेमोमा लिखाय गोयलो छे.

गलातियों 1:15

बाकीन परमेश्वरोन, जू मारी आयान पेटोमा होतु मेसेक ठेरावलु एने आपनी दयासी बुलाय लेदू.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

1 तीमथी 2:7

मे खोरु कोयने बाज रोयू, झूट नी बुलतू, कि मे इना उद्देशोन प्रचारक एने प्रेषित एने दिसरा जातीन कोरता भुरसू एने खोरलान प्रचारक ठेरावतलु होतु.

2 तीमथी 1:11

जिनान कोरता मे प्रचारक, एने प्रेषितोन, एने वारली खोबरोन प्रचारक भी ठेरायु.

2 तीमथी 2:2

एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.

तीतुस 1:5

मे इनान कोरता तुसेक क्रेतमा छुळीन आवलु होतु कि तू बाकी वातो काजे सुदारीन एने मारी आग्यान ओनसारे सोहरो सोहोरोमा डाह-डाहाणूक नेवाळ लेये.

इब्रानियो 11:4

भुरसासी हाबिल केन गोथो वारलो बलिदान परमेश्वर काजे चोळाव्यू, जिनान लारे तेरो धोरमी होयनेन गोवायी आपायी, एने परमेश्वर तेरो भेटोन बारामा गोवायी आप्यू. हिमी ते हाबिल मोर गोयलु छे ते बी भुरसान लारे हिमी तोक बुल रोयू.

याकुब 3:18

मिलाव कोरणे वाला धारमिकतान फोव हिव मेवीन वेरतला छे.

1 पतरस 3:15

बाकीन प्रभू येसु मसिह काजे जानीन आपना आपने मोनमा चुखो सोमजू, जू कुदू तुमरेसी तुमरे आसोन बारामा काय पुछे, तीनाक जोवाब आपने कोरता हमेशा तीयार रोयू, बाकीन नम्रता एने बिक साते;

1 पतरस 3:2

तीबी तुमरी बिक साते चुखला चाल चलन काजे देखीन बिगुर वचनोन आपनी-आपनी बायरोन चाल-चलनोन लारे हापकाय जासे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

1 योहान 4:19

आमु इनान कोरता मोंग कोरतेला, कि पेहेले चू आमरेपोर मोंग कोऱ्यु.