योहान 15:12 - बारेली पावरी

¹² “मारी आग्या जी छे, कि जोसू मे तुमरे पोर मोंग कोऱ्यु, तोसोच तुमु बी एक दिसरा पोर मोंग कोरु.”

योहान 15:12 ပူးပေါင်းရင်းမြစ်များ

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

योहान 15:17

इनी वातोन आग्या मे तुमुक इनान कोरता आपो कि तुमु एक दिसरा पोर मोंग कोरे.

रोमी 12:10

भाशो-भाशोन मोंगसी एक दिसरा पोर दुस्ती कोरु आपोसमा मान सन्मान कोरणे एक दिसरा पुठी बोढता जावू.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

1 थिस्सलुनीकियो 3:12

एने प्रभू ओसू कोरे कि जोसू आमु तुमरेसी मोंग कोरतेला छे, तोसोच तुमरो मोंग बी एक दिसरामा एने माणसो साते बोढे, एने बोढती कोरतु जाय,

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 3:8

आखरी, आखा एक मोन एने दयामय एने भाशो पोर मोंग कोरणे वावु, एने दयावान एने नम्र बोनु,

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

1 योहान 4:21

तिना जुव गोथी आमुक जी आग्या जोडी, ती जो कुदू परमेश्वर पोर मोंग कोरतेलू चू आपना भाशो पोर बी मोंग कोरे.

2 योहान 1:5

हिमी, हे बायर, मे तुसेक कहानली नोवली आग्या नि बाकीन चीत पेहेले गोथीत आमरे जुव छे, लिख रोयू; एने तारे जुव विनता कोरो कि आपनु एक दिसरा पोर मोंग राखू.