योहान 15:10 - बारेली पावरी

¹⁰ कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

योहान 15:10 ပူးပေါင်းရင်းမြစ်များ

योहान 10:18

कुदू तीनाक मारेंचा गोथू हापके नी, बाकीन मी तीना काजे आपसुत आप देतलू छे मेसेक तिनान आपनेन बी होक छे, एने तीनाक पोछु लेनेन बी होक छे जी आग्या मारा बासो जू गोथी मेसेक जोळली छे.”

योहान 12:49

काहाकि मे मारेनचा गोथू वाते नि कोऱ्यु; बाकीन बास जू मेसेक मुकेललु छे चू मेसेक आग्या आपलु छे कि काय-काय कोयो एने काय-काय बुलो?

योहान 14:15

ओगर तुमु मारे पोर मोंग कोरे ती, मारा आग्या काजे मानजू.

योहान 14:21

जेरे जुव मारी आग्या छे एने चू तीनुक मानतलु छे, चू मारे पोर मोंग कोरतेलु छे; एने जू मारे पोर मोंग कोरतेलू छे तीनाक मारू बास मोंग कोरसे, एने मे तिना पोर मोंग कोरिस एने मे आपना खुदो काजे तेरे सामने लाविस.

योहान 14:23

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”

योहान 14:31

बाकीन यो इनान कोरता होय रोयो कि जोग जाणे कि मे बासोपोर मोंग कोरतेलू छे, एने जोसो बास मेसेक आग्या आपलु मे तोसोच कोरतेलू छे. उठू, न्या गोथा जाता.

योहान 17:4

जो काम तू मेसेक कोरणे कोरीन आपलु होतु, तीनाक पुरो कोरीन मे कोवीमा तारी महिमा कोरलु छे.

योहान 4:34

येसु तीनु काजे कोयू, “मारो खाणो यो छे कि मेसेक मुकलने वावान मोर्जीन अनसारे चालो एने तेरो काम पुरो कोरो.

योहान 8:29

मेसेक मुकलने वावू मारे पुठी छे; चे मेसेक एखलु नि छुळयु काहाकि मी हमेशा चोत काम कोरतेलु जीनासी चू खुश रोयतलु.”

योहान 8:55

तुमु ते तीनाक नि जानतला बाकीन मे ते तीनाक जानतलु ओगर मी कोय कि मी तीनाक नि जानतलु ती मे तुमरेन तोसु झुटू ठेरायीस; बाकीन मे तीनाक जानतलु एने तेरा वचनोपोर चालतलु.

1 कुरीन्थियो 7:19

नी सुंता काहीन छे एने नी बिना सुंता वावू, बाकीन परमेश्वरोन आग्या माननो आखो काय छे.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

इब्रानियो 7:26

यो वारलो होतो कि आमरेनचा ओसलु महायाजक छे जू चुखलो, निरदोष, साफ, पापी गोथू ओलोग एने सोरगसी बी उचो कोराय गोयू छे.

2 पतरस 2:21

काहाकि धारमिकता वाट नि जाननो यित तिंदरेन कोरता इंदरेन गोथा वारलो होता कि तीनाक उखीन, तिनी चुखली आग्यासी फिर जाता जे इनुक आप देतला होता.

1 योहान 2:3

जर कोदि आमु हेरी आग्या काजे मानसु, ती इनुक आमु जान लेसू कि आमु हिनाक जान गोयलु छे.

1 योहान 2:5

पुन जू कुदु हेरा वचन पोर चाले, हिनाम छाचलीन परमेश्वरोन मोंग सिद्ध होयलु छे, इनासी आमु जानतला छे कि आमु होया छे.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

1 योहान 5:3

काहाकि परमेश्वर पोर मोंग कोरणे यो छे कि आमु तेरा आग्या काजे माने; एने तेरी आग्या कोठीन नि होय.

प्रकाशित वाक्य 22:14

“सोयावा चे छे, जे आपना छिंदरा धुवलेतला छे, काहाकि तीनुक जीवनोन झाडोनचा आवनेन होक जोळसे, एने फाटकोण गोथा आवीन गावमा भोरायसे.”