योहान 14:7 - बारेली पावरी

⁷ ओगर तुमु मेसेक उवखी लेता, ती मारा बासो काजे बी उवखी लेता; एने हिमी तीनाक उवखी रोया, एने तीनाक देखला बी छे.”

योहान 14:7 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 15:24

कोदि मे तिंदरेमा जो काम नि कोरतु जो एने कुदु नि कोऱ्या, ती चे पापी नि ठेरायता; बाकीन हिमी ते चे मेसेक एने मारू बास दुयू काजे देख्या एने दुयू पुठी दुष्मोनी कोऱ्या.

योहान 16:3

ओसो चे इनान कोरता कोरसे कि चे नी बासो काजे जानतला, एने नि मेसेक जानतला छे.

योहान 17:21

कि चे आखा एक होये; जोसू तू छे बास मारेमा छे, एने मे तारेमा छे, तोसाच चे बी आमरेमा होये, जीनामा जोग भुरसू कोरे कि तूच मेसेक मुकेललु छे.”

योहान 17:23

मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.

योहान 17:26

“मी तारो नाव तीनु काजे कोयू एने कोयतू रोयीस जो मोंग तुसेक मार पोर होतो चो तिंदरेमा रोये, एने मे तिंदरेमा रोयो.”

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 17:6

“मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

योहान 6:46

यो नि कि कुदु बासो काजे देखलो छे बाकीन यो परमेश्वर जुव गोथो छे, निसतू चू बासो काजे देखलू छे.

योहान 8:19

चे तीना काजे कोया, “तार बास कां छे?” येसु जोवाब आप्यू, “नि तुमु मेसेक उवखतला, नि मारा बासो काजे, ओगर मेसेक उवखता ती मारा बासो काजे बी उवखता.”

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

1 योहान 2:13

हे बास मी तुसे काजे इनान कोरीन लिखो कि जू पेहेलेन छे तू हिनाक जाणतो होय, ए जुवान्या मे तुमुक इनान कोरता लिखतोलु तुमु हीना भुतडा पर जीत हासील कोरला, ए पुऱ्या मी तुमु काजे इनान कोरता लिखलू छे कि बासो काजे जान गोयला छे.