योहान 14:10 - बारेली पावरी

¹⁰ काय तू भुरसू नि कोरतेलु कि मी बासोमा छे एने बास मारेमा छे? जे वाते यो मे तुमु काजे कोय रोयू, मारेंनचा गोथू नि कोयतू, बाकीन बासोमा रोयीण आपनो काम कोरतेलू छे.

योहान 14:10 ပူးပေါင်းရင်းမြစ်များ

योहान 10:30

मे एने बास एकुत छे,”

योहान 10:38

बाकीन ओगर मे कोरो, ती भोले मार पोर भुरसू मा कोरु, बाकीन तीना कामोन ते भुरसू कोरु, काहाकि तुमु जाणे एने सोमजे कि बास मारेमा छे एने मे बासोमा छे.

योहान 11:26

एने जू कुदु जीवतलु छे एने मार पोर भुरसू कोरतेलू छे, चू ओमोर जीवन तोक नि मोरे. काय तू इनी वातोपर भुरसू कोरतेली छे?”

योहान 12:49

काहाकि मे मारेनचा गोथू वाते नि कोऱ्यु; बाकीन बास जू मेसेक मुकेललु छे चू मेसेक आग्या आपलु छे कि काय-काय कोयो एने काय-काय बुलो?

योहान 14:11

मार पोर भुरसू कोरु कि मे बासोमा छे एने बास मारेमा छे; नीती कामो पोरसी मारू भुरसू कोरु.”

योहान 14:20

तिने दाहळे तुमु सोमजी जासू कि मी मारा बासोमा छे, एने तुमु मारेमा, एने मे तुमरेमा.

योहान 14:24

जू मार पोर मोंग नि कोरे, चू मारो वचन नि मानतलु; एने जो वचन तुमु सोमोवतला चो मारो नि होय बाकीन बासोन छे, जू मेसेक मूकल्यु.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

योहान 3:2

चू राती येसुनचा आवीन तीना काजे कोयू, “हे रब्बी, आमु जानतला कि तू परमेश्वरोनचा गोथू गुरु बोनीन आव रोयू, काहाकि कुदू इना चमत्कार काजे जो तू देखाळलु, ओगर परमेश्वर तिना पुठी नि होय ती नि देखाळ सोकतलु.”

योहान 5:17

इनापोरसी येसु तीनु काजे कोयू, “मारू बास हिमी तोक काम कोरणे बाज रोयू, एने मे बी काम कोरणे बाज रोयू.”

योहान 5:19

इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

योहान 7:16

येसु तीनुक जोवाब आप्यू, “मारू संदेश मारू नि होय, बाकीन मेसेक मुकलने वावान छे.

योहान 8:28

तेत्यार येसु कोयू, “जेतार तुमु माणसोन पुऱ्याक उचला पोर चोळावसे, ती जानसु कि मे चू छे; मे आपना खुदो काजे काहीन नि कोरतु बाकीन जोसू मारू बास मेसेक सोमवाळ्यु तोसोत जे वाते कोय रोयू.

योहान 8:38

मे चोत कोरतेलु, जो मारेनचा देखलू छे; एने तुमु चोत कोरता रोयतेला यो तुमु आपना बासोन सोमवला छे.

योहान 8:40

बाकीन हिमी तुमु मार सारखा माणसोक मारणे कोरतेला यु तुमुक खोरलो वचन देखाळतलू जो परमेश्वर जू सोमवतलु; ओसो ते अब्राहाम नी कोयु.

प्रेषित 10:38

परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.

2 कुरीन्थियो 5:19

मतलब परमेश्वर मसिहमा रोयीण आपने साते जोगोन हिव मेवीन कोर देदू, एने तिंदरा गुणा काजे तीनु पोर नि लागाळयू, एने चू हिव मेवोन वचन आपुक आप देदू.

कुलुस्सि 1:19

काहाकि परमेश्वरोन खुशी इनामा छे कि तीनामा आखो पुरो-पुरो रोये.

कुलुस्सि 2:9

काहाकि तीनामा परमेश्वर आखी पुरो एने पाको कायम रोयतली छे.

1 योहान 5:7

एने जू गोवायी देतलू छे, चू आत्मा छे; काहाकि आत्मा खोरली छे.