योहान 13:5 - बारेली पावरी

⁵ तेत्यार टाहरामा पाणी भोरीन चेलान पाय धुवने एने जिने फेटे कोरीन कोळ्यो बांधलो होतो तिने फेटे कोरीन नुसने बाज गोयू.

योहान 13:5 ပူးပေါင်းရင်းမြစ်များ

लुका 7:38

एने तेरा पायोन साते, पोछोव उबरोयीन, रोडती जायीन तेरा पायो काजे आसवासी भीगाळी एने तेरा मुनकान झोटे कोरीन नुसने बाज गोयी, एने तेरा पायो काजे घोळी-घोळी गुवा दीन तेरे पोर इत्तर लागाळी.

लुका 7:44

एने तिनी बायोर भूनी फिरीन चू शिमोन काजे कोयू, “काय तू इनी बायोर काजे देख रोयू ने? मे ते तारा घोरमा आव्यु बाकीन तू मारा पाय धुवने कोरीन पाणी नी आप्यू, बाकीन ची मारा पाय आसा कोरीन भीगाळी एने तेरा झोटे कोरीन नुसी.

योहान 13:10

येसु तीना काजे कोयू, जू उंगवी लेदलु छे तीनाक पाय सिवाय ओवी काहीन धुवनेन जोरुरोत नि होय, बाकीन चू निस्तु चुखलु छे; एने तुमु चुखला छे, बाकीन आखान-आखा चुखा नि होय.

योहान 13:6

तेत्यार चू शिमोन पतरस तीना काजे कोयू, “हे प्रभू काहा तू मारा पाय धुवतलु?”

योहान 13:8

तेत्यार पतरस कोयू, “तू मारा पाय कोबी नि धुव सोके” यो सोमवीन येसु तीना काजे कोयू, “ओगर मे तुसेक नि धुवो, ती मारे पुठी तारू काहीन बी वाटू नि होय.”

योहान 19:34

बाकीन सिपायळा मायला एक जोणु भाले कोरीन तेरा कुखीमा भालू गुप्यू, एने तीनामा गोथो तेतारुत लुय एने पाणी निकव्यो.

प्रेषित 22:16

हिमी काहा टेमे लागाळ रोयू? उठ, बाप्तिस्मा ले, एने तेरो नाव लीन आपना पापो काजे धुव दे.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

इफिसीयो 5:26

कि तीनु काजे वचनोन लारे पाणीसी चुखो कोरीन पवित्र बोनावू.

1 तीमथी 5:10

एने वारला कामोमा गीनाय रोई होसे, जीन पुऱ्यान राखवावी कोरी होसे; पाहांतऱ्यान चाकरी कोरी होसे, चुखला माणसोन पाय धुवी होसे, दुखी माणसोक मदत कोरी होसे, एने हर एक वारला काममा मन लागाळली होसे.

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 5:6

यो छे चू जू पाणी एने लुयोन लारे आवलु होतु मोटलोब येसु मसिह चू नि निसतो पाणीन लारे नि तेत्यार पाणी एने लुय दुयोन लारे आवलो होतो. एने यी आत्मा छे जी गोवायी आपे, काहाकि आत्मा खोरली छे.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 7:14

मे तीना काजे कोयू, “हे स्वामी, तूत जानतलु छे” चू मेसे काजे कोयू “जे चे छे, चे तिना मोटला दुखोमा गोथा निकवीन आवला छे चे आपना-आपना छिंदरा गाडरान लुयमा धुवीन धोव्वा कोरला छे.”