योहान 12:26 - बारेली पावरी

²⁶ ओगर कुदु मारी सेवा कोरसे ती, मारे पोछोव चालू; एने चा मे छे, चा वारू सेवक बी रोयसे ओगर कुदु मारी सेवा बी कोरसे ती, बास तेरु मान कोरसे.

योहान 12:26 ပူးပေါင်းရင်းမြစ်များ

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

कुलुस्सि 3:24

काहाकि तुमुक मालूम छे कि तुमु काजे एरे बोदले प्रभूनचा गोथो वाटू जोळसे; तुमु प्रभू येसु मसिहन सेवा कोरतेला छे.

रोमी 1:1

पौलुसोनचा गोथो जू येसु मसिहन दास छे, एने प्रेषित होयनेन कोरता बुलावलु छे, एने परमेश्वरोन तिना वारली खोबरोन कोरीन ओलोग कोराय गोयलु छे,

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

योहान 10:27

मारा गाडरा मारू बुल सोमवतला छे; मी तीनु काजे उवखतलु एने चे मारा पोछोव-पोछोव आवतेला छे;

2 कुरीन्थियो 5:8

इनान कोरता आपु हिंमतोन बांधीन रोयतला एने डीलो गोथो ओलोग रोयीण प्रभू साते रोयनेन ओवी बी वार सोमोजतेला.

यहुदा 1:1

यहुदा भूनी गोथो जो येसु मसिहन दास एने याकुबोन भाश छे, तीनुक बुलावलान नावे जो परमेश्वरोन बासोमा मोंगावा एने येसु मसिहन कोरता वारला छे.

1 योहान 5:3

काहाकि परमेश्वर पोर मोंग कोरणे यो छे कि आमु तेरा आग्या काजे माने; एने तेरी आग्या कोठीन नि होय.

2 पतरस 1:1

शिमोन पतरसोन जुव गोथो, जू येसु मसिहन पावोर एने प्रेषितोन छे, तीनु माणसोन नाव जे आमरू परमेश्वर एने छुटकारू आपने वावु येसु मसिहन धारमिकतान लारे आमरेन तोसो किमतीन भुरसू हासील कोर लेदू.

2 कुरीन्थियो 4:5

काहाकि आपनु काजे बी बाकीन येसु मसिह वारली खोबर प्रचार कोरतेला कि चू प्रभू छे; एने आपना बारामा यो कोयतेला कि आमु येसुन वोजेसी तुमरा सेवक छे.

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

योहान 15:20

जे वाते मे तुमु काजे कोयलु होतु, गुलाम आपना मालिक गोथू मोटलु नि रोयतलु, “इनाक फोम राखू. ओगर चे मेसेक तोकलीत आप्या, ती तुमु काजे बी तोकलीत आपसे, ओगर चे मारी वात मानता, ती तुमरी बी माणसे.”

लुका 6:46

“जेतार तुमु मारो कोयनो नि माने ती काहा मेसेक, हे प्रभू, हे प्रभू, कोयतेला?

फिलिप्पि 1:23

काहाकि मे दुयोन इचमा लोटकी रोयू; मोन ते कोरे कि काहीन कोरीन मसिहनचा जायीन रोयो, काहाकि यो जुदो वारू छे.

योहान 14:3

एने ओगर मी जायीन तुमरेन कोरता जागू तीयार कोरो, ती पोछु आवीन तुमु काजे मारेंचा लीन जायीस कि जा मी रोयीस चा तुमु बी रोये.

योहान 13:16

मे तुमु काजे छाचलीन-छाचलीन कोयो कि सेवक आपना मालिक गोथू मोटू नि होय, एने मुकलायलु मुकलेनेवावा गोथू.

लुका 9:23

चू आखा काजे कोयू, “अगर कुदाक मारे पोछोव आवने लागे, ती आपना खुदो काजे नाकार कोरे एने होर दाहळे आपनु ख्रुस हाकलीन मारे पोछोव चाले.

मत्ती 25:21

तेरु माहाराज तिना काजे कोयू, “सोयावा वारला एने भुरसान लायक पावोर, तू थुलाकमा भुरसान लायक रोयू; मे तुसेक घोणा सोवटा चीजोन अधिकारी बोनावीस, आपना महाराजोन खुशीमा सहभागी होय जा.”

प्रकाशित वाक्य 14:4

चे ये छे जे बायरा पुठी विटोव होया, बाकीन कुवारु छे; जे चेत छे कि जा का गाडरो जातलो छे, चे तिनान पोछोव चाल पोळतेला; जे ते परमेश्वरोन कोरता पेहेला फोव होयनेन कोरता माणसोमा गोथो मुले लेवाय गोयला छे.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

योहान 21:22

येसु तीना काजे कोयू, “कोदि जुवे ती चू मारे आवने तोक रुकाय रोये, ती मेसेक इनासी काय तू मार पोछोव आव लाग.”

योहान 14:15

ओगर तुमु मारे पोर मोंग कोरे ती, मारा आग्या काजे मानजू.

मरकुस 8:34

चू गोरदी काजे तेरा चेला पुठी साते बुलावीन तीनु काजे कोयू, “जिना कुदा काजे मार पोछोव आवने लागे, चू आपना खुदोन नाकार कोरे, एने आपनु ख्रुस हाकलीन, मार पोछोव आवे.

मत्ती 16:24

तेत्यार येसु तेरा चेला काजे कोयू, “ओगर कुदाक मार पोछोव आवने लागे, ती खुदो काजे नाकार कोरे एने मारू ख्रुस हाकले, एने मारे पोछोव चाले.

लुका 12:37

सोयावा छे जे दास जीनुक मालिक आवीन जागतला देखे; मे तुमु काजे छाचलीन कोयो कि चू कोळ्यो बांदीन तीनुक खाणो खाणे बोसाळसे, एने साते आवीन तिंदरा सेवा कोरसे.