योहान 12:23 - बारेली पावरी

²³ इनापोरसी येसु तीनु काजे कोयू, ची टेम आव लागली छे कि माणसोन पुऱ्यान महिमा होये.

योहान 12:23 ပူးပေါင်းရင်းမြစ်များ

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मत्ती 26:45

तेत्यार चू चेलानचा आवीन तीनु काजे कोयू, हिमी सुवता रोयू, एने आराम कोरु देखू टेम आव लागली छे, एने माणसोन पुऱ्याक पापीन हाते धोरवाय जातलु छे,

मरकुस 14:35

ओवतेन येसु थुलूक ओगू गोयू एने धोरती पोर पोळीन प्रार्थना कोरणे बाज गोयू कि ओगर होय सोके ती जी टेम मारे पोर गोथी टोव जाय.

मरकुस 14:41

एने तिसरे कावा आवीन तीनु काजे कोयू, “हीमी सुवता रोयू एने आराम कोरु, बस, टेम आव लागी; देखू माणसोन पुऱ्यु पापीन हाते धोरवाय जातलू छे.

योहान 12:16

तेरा चेला ये वाते पेहेले नी सोमज्या, बाकीन जेतार येसुन महिमा देखायी ती तीनुक फोम आवी कि जे वाते तेरा बारामा लिखायली होती एने माणसे तेरे पोर इना रितीसी वेहवहार कोरला होता.

योहान 12:27

“हिमी मारू जीव कासावीस होय रोयू इनान कोरता मी काय होयो? ‘हे बासो, मेसेक इनी टेमे सी वाचाड?’ ती, काहाकि इनान वोजेसी इनी टेमे पुग गोयलु छे.”

योहान 13:1

वोलांडोनोन तीहीवारोन पेहेले, जेतार येसु जान लेदू कि ची टेम आव लागली छे कि जोग छुळीन बासोनचा जायीस, ती आपना माणसे जे जोगोमा होता जोसू मोंग चू कोरतू होतु आखरी तोक तोसुच मोंग कोरतू रोयू.

योहान 7:39

चू यो वचन पवित्र आत्मान बारामा कोयू, जीनाक तेरे पोर भुरसू कोरणे वावा लेनेपोर होता; काहाकि आत्मा हिमी तोक नि उतरलू होतु, काहाकि येसु हिमी तोक आपना महिमा काजे नि पुगलू होतु.