योहान 12:16 - बारेली पावरी

¹⁶ तेरा चेला ये वाते पेहेले नी सोमज्या, बाकीन जेतार येसुन महिमा देखायी ती तीनुक फोम आवी कि जे वाते तेरा बारामा लिखायली होती एने माणसे तेरे पोर इना रितीसी वेहवहार कोरला होता.

योहान 12:16 ပူးပေါင်းရင်းမြစ်များ

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

मरकुस 9:32

बाकीन जो वात तिंदरे सोमोजमा नि आवी, एने चे तीना काजे पुछने बिह्ता होता.”

लुका 18:34

बाकीन चे इनी वातो गोथा कानलीत वाते नि सोमव्या; एने जी वाते तिंदरेसी डूकायली रोयी एने जो कोयलो होतो चो तिंदरे सोमोजमा नि आव्यो.

लुका 24:25

तेत्यार येसु तीनु काजे कोयू, “हे बिन ओकल्या, एने भविष्य कोरतान आखा वातो पोर भुरसू कोरणेमा मतीमंद्या.

लुका 24:45

तेत्यार चू पवित्र शास्त्र सोमोजनेन कोरता तिंदरी समज उगाळ देदू.

लुका 9:45

बाकीन चे इनी वातो काजे नी सोमज्या, एने यो तिंदरेमा डूकायलो रोयो कि चे तीनाक सोमजी नि सोक्या; एने चे इनी वातोन बारामा तीना काजे पुछ्ने बिहता होता.

योहान 12:23

इनापोरसी येसु तीनु काजे कोयू, ची टेम आव लागली छे कि माणसोन पुऱ्यान महिमा होये.

योहान 14:26

बाकीन मदतगार मतलब पवित्र आत्मा जीनाक बास मारे नावसी मुकलसे, चू तुमु काजे आखा वाते सिकाळसे, एने जो काहीन मी तुमु काजे कोयलु छे, चो आखो तुमु काजे फोम देवाळसे.”

योहान 16:4

बाकीन जे वाते मे इनान कोरता तुमु काजे कोयू, कि जेतार इंदरी टेम आवे ती तुमुक फोम आव लागे कि मे तुमु काजे पेहेलेत कोय देदलु होतु. “मे पेहेले गोथो तुमु काजे जे वाते इनान कोरता नि कोयू काहाकि मे तुमरे साते होतु.”

योहान 17:5

हिमी हे बासो, तू आपने साते मारी महिमा तिनी महिमासी कोर जो जोगोन कोवोन पेहेले, मारी तारे साते होती.”

योहान 2:22

आखरी जेतार चू मोरलामा गोथू जीव उठ्यू ती तेरा चेला काजे फोम आवी कि चू यो कोयलु होतु; एने चे पवित्र शास्त्रान एने तीना बुलोन कि यो येसु कोयलु होतु, फोम कोऱ्या.

योहान 7:39

चू यो वचन पवित्र आत्मान बारामा कोयू, जीनाक तेरे पोर भुरसू कोरणे वावा लेनेपोर होता; काहाकि आत्मा हिमी तोक नि उतरलू होतु, काहाकि येसु हिमी तोक आपना महिमा काजे नि पुगलू होतु.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

प्रेषित 2:36

इनान कोरता इस्राईलोन आखो घोरानो जान लेये कि परमेश्वर तीनाक प्रभू, एने मसिह दुयूबी ठेराव्या इना येसु काजे जीना काजे तुमु ख्रुस पोर चोळाव्या, परमेश्वर बी ठेराव्या एने मसिहा बी.

प्रेषित 3:13

अब्राहाम इसाहाक एने याकुबोन परमेश्वर आमरे डाहा डाहान परमेश्वर आपना सेवक येसुन बोढाई कोऱ्यु जीना काजे तुमु धोराव देदा एने जेतार पिलात तीनाक छुळ देनेन ठेराव कोऱ्यु ती तुमु तेरे सामने तीनाक स्वीकार नि कोऱ्या.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 8:1

हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.